3 mar. 2014Leikur Hattar og Þórs Akureyri sem frestað var á föstudaginn fer fram í kvöld á Egilsstöðum kl. 18.15. Þórsarar eru í öðru sæti deildarinnar með 24 stig og Höttur er í því fjórða með 20 stig fyrir leik kvöldsins. Eftir leikinn í kvöld hafa öll lið leikið 16 leiki af 18 í deildinni og því spenna framundan á lokasprettinum. Það lið sem sigrar deildarkeppnina tekur sæti í Domino's deildinni að ári og næstu fjögur lið fara í úrslitakeppni um annað laust sæti í deild þeirra bestu á næsta keppnistímabili. Leikurinn verður í beinni tölfræðilýsingu á kki.is.