13 des. 2013Í kvöld fara fram fjórir leikir í 1. deild karla. Stórleikur kvöldsins eru viðureign efstu tveggja liðanna, Tindastóls og Þórs Akureyri á Króknum sem hefst kl. 19.15. Tindastóll hefur unnið alla leiki sína til þessa og Þór Akureyri einungis tapað einum. Fyrir leikinn mun forsvarsmaður Fræsðslusviðs ÍSÍ veita körfuboltadeild Tindastóls viðurkenningu sem Fyrirmyndarfélag ÍSÍ. Áður hafði ynglingadeild Tindastóls hlotið þessa viðurkenningu en nú er það öll körfuknattleiksdeildin sem hana hlýtur. Á sama tíma eigast við Breiðablik og Vængir Júpiters í Smáranum og Fjölnir tekur á móti Hamar í Grafarvogi. Augnablik og Höttur eigast svo við í Kórnum kl. 20.45 í Kópavogi. Allir leikir kvöldsins verða í beinni tölfræðilýsingu hér á kki.is.