![Smáþjóðaleikar · Ísland - Malta 77-59](http://gamli.kki.is/myndir/lux2013_ice_malt.jpg)
29 maí 2013Stelpurnar í A-landsiðnu voru rétt í þessu að vinna Möltu 59-77 í fyrsta leik sínum á Smáþjóðaleikunum. Malta sigraði á síðustu leikum og er þessi sigur því ansi sterkur í komandi baráttu um sigur á leikunum. Það tók stelpurnar smá tíma að komast inn í leikinn ,undir lok 1.leikhluta náðu þær tökunum og héldu þeim til leiksloka. Helena og Kristrún leiddu liðið áfram en allar stelpurnar voru spila vel og var varnarleikurinn til fyrirmyndar. Mikil barátta og góð liðsheild skilaði þessum flotta sigri. Helena hafði þetta að segja eftir leikinn „frábær sigur og traust vörn , í sókninni vorum við að finna opnu mennina og náðum þannig að spila vel saman og fengum auðveldar körfur. Allir sem komu inná voru með frábæra baráttu sama hvort það voru leikreyndu leikmennirnir eða nýliðarnir.“ Hildur Björg hafði þetta að segja í lok leiks „það er ótrúleg stemning í liðinu og með því skemmtilegra sem ég hef gert. Sjálfstraustið er í botni eftir þennnan sigur og við ætlum svo sannarlega að sigra þessa leika.“ Nýliðarnir Hildur Björg Kjartansdóttir, Ingunn Embla Kristínardóttir, Sara Rún Hinriksdóttir og Hallveig Jónsdóttir spiluðu allar í sínum fyrsta A-landsleik. Næsti leikur stelpnanna er við Kýpur á föstudaginn kl.14:00 að íslenskum tíma.