![Golfmót körfuknattleiksmanna 2013 · Flúðir](http://gamli.kki.is/myndir/golfmot2013.jpg)
22 maí 2013Búið er að setja á Golfmót körfuknattleiksmanna 2013 en mótið í ár fer fram á Flúðavelli sunnudaginn 9. júní og verður það í 15. sinn sem mótið er haldið. Ríkharður Hrafnkelsson á heiðurinn af utanumhaldi og uppsetningu að vanda og er mótsstjóri. Í fyrra var frábær mæting kylfinga sem á einhverjum tímapunkti voru eða eru tengdir íslenskum körfuknattleik á einhvern hátt þegar leikið var í Borgarnesi í rjómablíðu. Mótið verður með hefðbundunu sniði og allir ræstir út samtímis kl. 12.00 og eru keppendur hvattir til að mæta tímalega. Á mótið eiga erindi allir þeir sem einhverntíman hafa komið nálægt körfubolta, sem leikmenn, þjálfarar, dómarar, stjórnarmenn, sjálfboðaliðar félaga eða á einhvern annan hátt og eru að fikta við golfið. Makar eru einnig að sjálfsögðu velkomnir. Áhugasamir eru hvattir til að áframsenda þessar upplýsingar um mótið á alla þá sem þið teljið að eigi erindi í það. KKÍ skorar á núverandi leikmenn að fjölmenna en einna fámennust hefur mætingingin verið hjá þeim sl. ár. Að sama skapi hafa eldri leikmenn mætt frábærlega ásamt þjálfurum og stjórnarmönnum sem eru virkir í dag ásamt fleirum sem tengjast okkar frábæru íþrótt. Leiknar verða 18 holu punktakeppni, bæði með og án forgjafar, þar sem hámarksforgjöf hjá körlum er 24 og 28 hjá konum. Skráning og nánari upplýsingar er hjá Ríkharði Hrafnkelssyni í síma 660-3170 eða á netfanginu [p+]rikkihr@husa.is[p-]rikkihr@husa.is[slod-] (Nafn, kennitala, forgjöf) Að venju er öll aðstoð við útvegun verðlauna mjög vel þegin. Þátttökugjald í mótið er kr. 4.000.-