![NM: Flottur sigur hjá U16-drengja](http://gamli.kki.is/myndir/nm2013_u16eist.jpg)
8 maí 2013Fyrsti leikur U16 ára liðs karla hóst kl. 15.00 í dag gegn Eistum þetta árið á NM yngri landsliða. Í fyrstu sýn virtust liðin áþekk á líkamsburðum og hæð að sjá. Bæði lið rendu blint í sjóinn þar sem ekki var mikið vitað um eistneska liðið. Eftir jafnan 1. leikhluta var staðan 20-18 og bæði lið að þreifa fyrir sér. Kári Jónsson var kominn með 8 stig eftir leikhlutann. Um miðan 2. leikhluta í stöðunn 30-23 setti Kári svo niður langan þrist en þá komu 7 stig í röð frá Eistum. Einar tók leikhlé og fór yfir nokkur atriði með sínum mönnum. Strákarnir fóru í svæðisvörn og náðu að verjast ágætlega, þó að Eistar væru duglegir að ná sóknarfráköstum. Sóknarmegin var smá handagangur í öskjunni og töpuðust nokkrir boltar og smá flýtingur í gangi hjá báðum liðum. Staðan í hálfleik 38:38 eftir að Eistar náðu ítrekuðum hraðaupphlaupum á okkar drengi og fengu auðveld stig. Eistar voru duglegir að ná fráköstum og tóku 23 gegn okkar 15. Stigahæstir í fyrrihálfleik: Kári 13, Kristinn 8, Halldór 5 og Hilmir 4. Í seinni hálfleik byrjuðu bæði lið í svæðisvörn sem Kári setur þrist yfir í fyrstu sókn og í kjölfarið kom góður kafli þar sem íslenska liðið hélt því eistneska í 4 stigum fyrstu 8 mínútur leikhlutans. Strákarnir spiluðu góða vörn, tóku öll fráköst og keyrðu linnulaust upp völlinn. Greinilegt að spenningurinn var farinn úr liðinu og það farið að spila sinn bolta. Eistar kláruðu leikhlutann þó með því að skora samtals 13 stig. Staðan 65-51 eftir þrjá leikhluta. Kristinn Pálsson fór mikinn í leikhlutanum og var kominn með 22 stig, 6/7 inni í teig og 10/11 í vítum og Kári kominn með 19 stig. Sama barátta og skilvirkni sóknar hélt áfram og eftir fyrstu mínútur loka leikhlutans var aldrei spurning um hvoru megin sigurinn myndi lenda. Helsta tölfræði Íslands: Kristinn Pálsson #8: 34 stig, 9 fráköst Kári Jónsson #10: 19 stig og 4 stoðsendingar Ragnar Friðriksson #4: 9 stig og 5 stoðsendingar [v+]http://karfan.is/image/1516 [v-]Myndasafn úr leiknum[slod-] [v+]http://iof1.idrottonline.se/SvenskaBasketbollforbundet/SwedishBasketballFederation/Competitions/Scheduleresults/?game_id=2522851&season_id=80961 [v-]Tölfræðin úr leiknum[slod-]