2 maí 2013
Nú styttist í lokahóf KKÍ sem fram fer laugardaginn 4. maí.
Ganga þarf frá miðakaupum í dag fyrir kl. 16.00 en miða er hægt að nálgast á skrifstofu KKÍ. Miðaverð er 2.900. kr. Takmarkað magn er af miðum og því um að gera að panta miða sem allra fyrst. Hópar eru hvattir til að senda inn sínar pantanir sem fyrst.
Dagskrá hófsins
Dagskrá og utanumhald verður með breyttu sniði í ár en ekki er um hefðbundinn 3-rétta kvöldverð eða sitjandi veislu að ræða.
· 19:30 Húsið opnar með fordrykk
· 20:15 Formaður KKÍ Hannes S.Jónsson setur hófið og veislustjórar taka við
· 21:00 Körfuboltannáll 2012-2013 í máli og myndum
· 22:00 Verðlaunaafhending
Boðið verður upp á glæsilegt smáréttar hlaðborð og auk þess verður körfuboltaannáll keppnistímabilsins 2012-2013 gerður upp í máli og myndum. Sjón og upplifun er sögu ríkari segja umsjónarmenn hans.
Rúsínan í pylsuendanum verður svo verðlaunaafhending fyrir tímabilið. Reyndar eru veislustjórar kvöldsins ekki á því að það verði hápunkturinn en það er annað mál.
Veislustjórar og umsjónarmenn körfuboltannálsins eru þeir Örvar Kristjánsson og Jón Björn Ólafsson.