4 apr. 2013
Í kvöld verða tveir leikir á dagskránni í úrslitakeppnum 1. deildar karla og kvenna.
1. deild karla
Þór Akureyri og Valur eigast við í öðrum leik sínum í undanúrslitum karla. Valur leiðir einvígið 1-0 og fara í úrslitarimmuna með sigri. Sigri Þór Akureyri verður oddaleikur að Hlíðarenda á sunnudaginn.
Höttur og Hamar eigast við annað kvöld á Egilsstöðum í hinni viðureigninni.
1. deild kvenna
Fyrsti leikurinn í úrslitarimmu Hamars og Stjörnunnar hefst í kvöld í Hveragerði kl. 19.15. Það lið sem fyrr vinnur tvo leiki fer upp um deild og leikur í Domino's deildinni að ári.
Liðin hafa mæst tvívegis í vetur og hafði Hamar betur í bæði skiptin, fyrst 61:70 í Ásgarði og svo 79:56 á heimavelli.
Liðin leika svo í Ásgarði á laugardaginn kl. 16.30 og ef til oddaleiks kemur á miðvikudaginn í næstu viku.
