![Málþing um konur og íþróttir](http://gamli.kki.is/myndir/isi.jpg)
22 nóv. 2012Málþing um konur og íþróttir var haldið í íþróttamiðstöðinni laugardaginn 17. nóvember sl.. Um var að ræða tvö boðsþing þar sem umræðuefnið á fyrra þinginu var konur í stjórnunarstöðum innan íþróttahreyfingarinnar og á því síðara var rætt um brottfall stúlkna úr íþróttum. Helga Magnúsdóttir, sem situr í framkvæmdastjórn ÍSÍ og framkvæmdastjórn EHF, Þorgerður Laufey Diðriksdóttir, formaður fimleikasambandsins og Helga Steinunn Guðmundsdóttir, ritari framkvæmdarstjórnar ÍSÍ ávörpuðu þingin. Fulltrúar KKÍ á fundinum voru Hannes S. Jónsson formaður og Bryndís Gunnlaugsdóttir stjórnarmaður. Þingfulltrúar ræddu málefnin, deildu reynslu sinni og komu með tillögur að úrbótum, leiðum og verkefnum. Almenningsíþróttasvið ÍSÍ fékk styrk frá Ólympíusamhjálpinni til að halda þingin.