![Fyrri félagskiptaglugga lýkur 15. nóvember](http://gamli.kki.is/myndir/felagaskiptablad.jpg)
9 nóv. 201215. nóvember er síðasti dagur félagaskipta fyrir leikmenn í unglingaflokkum og eldri í bili, en gluginn opnar síðan aftur þann 1. janúar 2013 og út þann mánuð áður en hann lokar endanlega á þessu keppnistímabili. Reglugerð um félagskipti segir í 3. lið um Tímabil og gildistaka félagaskipta: 6. gr. Tímabil félagsskipta: Félagaskipti í meistaraflokki karla og kvenna ásamt unglingaflokki karla og kvenna eru heimil frá og með 1. júní til og með 15. nóvember en óheimil frá og með 16. nóvember til og með 31. desember. Þau eru svo heimil frá og með 1. janúar til og með 31. janúar en óheimil frá 1. febrúar til og með 31. maí. Félagaskipti eru frjáls í öllum öðrum flokkum KKÍ, nema frá og með 1. febrúar til og með 31. maí ár hvert en á þeim tíma eru öll félagaskipti óheimil. Til meistaraflokka teljast lið í úrvalsdeildum, 1. deildum auk B-liða félaga. Félagaskipti sem eiga að ganga í gegn fyrir lok gluggans þurfa að berast skrifstofu KKÍ fullkomnlega útfyllt og undirrituð að forsvarsmanni fyrra félags sem og leikmanni og vera greidd eða skuldfærð. Að auki þarf félag að vera skuldlaust við KKÍ til að viðkomandi leikmaður fái leikheimild sé hann í genginn upp úr unglingaflokki. Umsókn um félagaskipti er að finna á forsíðu KKÍ í valmynd hér til vinstri.