![ÓL2012: Allir leikir 8-liða úrslita karla á Ólympíurásinni](http://gamli.kki.is/myndir/ol_london2012.jpg)
8 ágú. 2012Allir leikirnir í 8-liða úrslitum hjá körlunum í körfubolta í dag verða sýndir í beinni útsendingu á Ólympíurás RÚV sem er mikið fagnaðarefni. Alls eru því fjórir leikir sýndir og á morgun er svo komið að undanúrslitum kvenna. Hægt er að finna Ólympíurásina á vef ruv.is og horfa beint á netinu. Leikir dagsins eru ekki af verri endanum. Mikið erum slagi erkifjenda í sögulegum skilningi bæði innan sem utan vallar. Litháen var hluti að Sovétríkjunum en bæði lið Rússlands og Litháens eru gríðarlega sterk og verður fróðlegt að sjá framvindu þessa leiks. Nágrannarnir Frakkland og Spánn hafa margoft mæst á undanförnum árum en þessi lið léku til úrslita á EM í Litháen síðastliðið haust. Argentína og Brasilía eru tvö bestu lið Suður-Ameríku. Að lokum mætir lið Bandaríkjanna liði Ástrala sem eru sýnd veiði en ekki gefin. Leikir dagsins: kl. 13.00 · Körfubolti: Rússland - Litháen kl. 15.15 · Körfubolti: Frakkland - Spánn kl. 19.00 · Körfubolti: Argentína - Brasilía kl. 21.15 · Körfubolti: Bandaríkin - Ástralía