![Körfuboltabúðir KR · Undirbúningur fyrir tímabilið](http://gamli.kki.is/myndir/kr.jpg)
31 júl. 2012Körfuknattleiksdeild KR mun standa fyrir þriggja daga æfingabúðum daganna 22.-24. ágúst fyrir stráka og stelpur á aldrinum 9 til 16 ára. Æft verður seinni part þessa daga í þrjá og hálfan tíma í senn. Búðirnar fara fram í DHL-höllinni að Frostaskjóli í báðum sölunum. Iðkendum verður skipt í hópa eftir aldri og kyni og fara æfingarnar fram í formi stöðvarþjálfunar þar sem farið verður í hin ýmsu atriði körfuboltans. Í lok hvers dags verður skipt í lið og spilað þar sem áherslur dagsins verða hafðar í hávegum en hvert lið mun hafa þjálfara sem stýrir leikjunum. Þjálfarar í búðunum verða þjálfarar Körfuknattleiksdeildar KR, leikmenn meistaraflokks KR auk góðra gesta. Körfuboltabúðirnar eru opnar öllum og hvetjum við leikmenn að taka frá þessa daga og að nýta sér þetta frábæra tækifæri til að koma sér í gírinn eftir sumarið. Búðirnar verða auglýstar nánar í byrjun ágúst en þá verða jafnframt þjálfarar og endanleg dagskrá kynnt. Finnur Stefánsson verður yfirþjálfari búðanna en ef það vakna einhverjar spurningar þá er hægt að hafa samband á [p+]finnsi21@gmail.com[p-] finnsi21@gmail.com[slod-].