![Landsliðsþjálfarastöður yngri landsliða](http://gamli.kki.is/myndir/kki_logo2.jpg)
29 jún. 2012KKÍ auglýsir eftir þjálfurum á eftirfarandi yngri landslið sambandsins fyrir verkefni ársins 2013: U15 ára stúlkna – árgangur 1998 U15 ára drengja – árgangur 1998 U18 ára stúlkna – árgangur 1995 U18 ára drengja – árgangur 1995 Verkefni yngri landsliðanna vorið/sumarið 2013: -Copenhagen Invitational (U-15 strákar og stelpur) -Norðurlandamót (U-16 og U-18 strákar og stelpur) -Mögulega fara einhver lið í Evrópukeppni en ákvörðun um það verður tekin í október næstkomandi. Ráðningartímabilið er frá 15. júlí 2012 fram yfir þau verkefni sem farið verður í sumarið 2013. Upplýsingar fyrir þjálfara til að hafa í huga: · Skipulagning á verkefninu er í samráði við afreksnefnd KKÍ og starfsmenn KKÍ. · Afreksnefnd hefur á undanförnu ári unnið að því að endurskipuleggja starfsemi á afreks- og landsliðsstarfi KKÍ. Verið er að leggja lokahönd á handbók fyrir alla sem að starfinu koma, sem unnið verður eftir með þeim þjálfurum sem verða ráðnir nú til starfa. · Afreksnefnd hefur m.a. fengið Peter Öqvist til að koma að vinnu sem viðkemur aðferðarfræði og samræmingu á landsliðunum okkar. Þjálfarar sem verða ráðnir þurfa að vera tilbúnir að sitja nokkra fundi og fylgjast með æfingum A-landsliðs karla í júlí og ágúst. · Þjálfari skilar inn ítarlegri skýrslu um verkefnið að því loknu. · Þjálfari situr opinn fund með fulltrúum KKÍ að loknum verkefnum árið 2013 þar sem öllum áhugasömum gefst kostur á að mæta. Ferilskrá skal fylgja með umsókninni ásamt eftirfarandi upplýsingum: - Almennur bakgrunnur, menntun, störf ofl. - Bakgrunnur í þjálfun ásamt menntun og reynslu í þjálfun. - Ef umsækjendur vilja sækja um einhvern tiltekinn árgang eða kyn skal fylgja með beiðni um hvaða lið þú vilt þjálfa og hvers vegna það lið. Senda skal umsóknir inn í síðasta lagi mánudaginn 9. júlí á netfangið[p+]kki@kki.is[p-] kki@kki.is[slod-]. Fyllsta trúnaðar verður gætt varðandi umsóknir um starf hjá KKÍ.