27 jún. 2012
KKÍ kynnir með stolti nýjan samstarfsaðila en nú rétt í þessu var verið að undirrita nýjan samstarfssamning milli Domino's og KKÍ.
Samningurinn gildir fyrir efstu deildir karla og kvenna til næstu þriggja ára og munu þær bera nafn Domino's og heita Domino's deild karla og Domino's deild kvenna.
Hannes S. Jónsson, formaður KKÍ og Birgir Örn Birgisson, framkvæmdastjóri Domino's Pizza, undirrituðu samning þess efnis nú rétt í þessu á fundi í Laugardalnum.
Domino's og KKÍ eru spenntir fyrir samstarfinu og ljóst er að Domino's mun koma myndarlega að starfi körfuboltans á Íslandi næstu þrjú árin.
Ýmsar nýjungar tengdar í Domino's deildunum verða kynntar í haust fyrir upphaf keppnistímabilsins.
Lið í deildarkeppnum KKÍ í vetur, tímabilið 2012-2013:
38 meistaraflokkar karla
- 12 lið í úrvalsdeild karla
- 10 lið í 1. deild karla
- 16 lið í 2. deild karla
17 meistaraflokkar kvenna
- 8 lið í úrvalsdeild kvenna
- 9 lið í 1. deild kvenna (Þar af eitt b-lið)
Fyrsti leikur Domino's-deildar karla er sunnudaginn 7. október.
Fyrsti leikur Domino's-deildar kvenna er miðvikudaginn 3. október.
Úrslitakeppni Domino's-deildar karla hefst fimmtudaginn 21. mars.
Úrslitakeppni Domino's-deildar kvenna hefst þriðjudaginn 2. apríl.