25 maí 2012
Ísland var rétt í þessu að leggja lið Danmerkur á NM í Noregi. Lokatölur urðu [v+]http://www.basket.no/serie/Sider/Kamper.aspx?game_id=1219293&league_id=12543&season_id=59723#mbt:13-400$t&0=1 [v-]72:67 [slod-] eftir æsispennandi lokamínútur. Ísland leiddi með einu stigi eftir þrjá leikhluta.
María Ben var öflug í lokaleikhlutanum og skoraði 9 af 11 stigum sínum í honum. Ísland vann lokaleikhlutann 20:16 og því samtals fimm stiga sigur í höfn.
Helena Sverrisdóttir var stigahæst með 21 stig, 11 fráköst og 7 stoðsendingar. Næst kom María Ben Erlingsdóttir og Petrúnella Skúladóttir með 11 stig hvor og Hildur Sigurðardóttir og Pálína Gunnlaugsdóttir voru með 10 stig hvor.
Íslenska liðið nýtti 13 af 15 vítum sínum, og mörg þeirra á mikilvægum augnablikum á lokasprettinum.
Lokaleikur liðsins á mótinu er á morgun laugardag gegn Finnum og hefst hann kl. 14.00 og verður í beinni tölfræðilýsingu á kki.is
Hægt er að sjá allt um mótið svo sem næstu leiki, tölfræði og úrslit á [v+]http://basket.no/serie/Sider/Serie%20(hjem).aspx?league_id=12543&season_id=59723 [v-]BasketHotel norska sambandsins hérna[slod-].
