24 maí 2012
Nú var að ljúka leik Íslands og Noregs á Norðurlandamóti kvenna 2012. Ísland sigraði
55:82 þar sem grunnurinn að sigrinum var lagður í þriðja leikhluta sem vannst 27:7. Ísland leiddi með sex stigum í hálfleik.
Helena Sverrisdóttir var stigahæst í íslenska liðinu í dag með 20 stig og 9 fráköst og næst kom Hildur Sigurðardóttir með 11 stig og 7 fráköst. 11 af 12 leikmönnum liðsins komust á blað og skiluð allir leikmenn framlagi í leiknum sem er sterkt fyrir framhaldið á mótinu.
Ísland, sem hefur ekki unnið Noreg síðan 2004, byrjar vel á mótinu með sigri í fyrsta leik og það því skemmtileg afmælisgjöf til afmælisbarns dagsins, sem er hún Ólöf Helga Pálsdóttir, sem skoraði fimm stig í leiknum.
Á morgun bíður stelpnanna ærið verkefni en þá eru tveir leikir á dagskránni, fyrst gegn Svíþjóð og svo gegn Danmörku. Leikir morgundagsins er kl. 09.00 og 17.00 að íslenskum tíma.
Báðir verða í beinni tölfræðilýsingu á [v+]http://live.baskethotel.com/nbbf/ [v-]http://live.baskethotel.com/nbbf[slod-].
