![U18 kv: Tveir sprettir dugðu Svíunum](http://gamli.kki.is/myndir/IngunnEmblaKristinardottirNM2012vsSve.jpg)
17 maí 2012Íslensku stelpurnar í U18 kvenna töpuðu fyrir heimastúlkum 56-89. Ísland byrjaði mjög vel og leiddi 21-18 um miðjan annan leikhluta en þá kom afleitur kafli hjá þeim íslensku og Svíarnir keyrðu upp muninn. Stelpurnar náðu aðeins að minnka muninn og skiptust liðin á körfum næstum allan þriðja leikhluta en Svíarnir náðu frábærum spretti síðustu tvær mínútur þriðja leikhluta og innsigluðu sigurinn. Tölfræði: Stigahæst hjá Íslandi var Margrét Rósa Hálfdanardóttir með 17 stig og 4 fráköst. Ingunn Embla Kristíndardóttir var með 10 stig. Lovísa Henningsdóttir var frákastahæst með 6 fráköst en hún skoraði einnig 4 stig. Það var jafnræði með liðunum í fyrsta leikhluta en þær sænsku náðu þó sex stiga forystu áður en flautan gall og sá fyrsti kláraðist. Um miðjan fyrsta leikhluta var allt byrjunarliðið komið út af. Þjálfarateymið ætlaði að dreifa álaginu betur og tryggja að ferskar lappir yrðu inná í lokin. Sterk byrjun í 2. leikhluta hjá stelpunum en þær spiluðu sig inn í leikinn á ný með flottum 9-0 spretti. Svíarnir skoruðu fyrstu stig sín í 2. leikhluta eftir 4.38 mínútur. Það var lítið skorað í fyrri hálfleik hjá okkar stelpunum. Staðan í hálfleik var 23-37 Svíum í vil en Svíarnir skoruðu 19 gegn aðeins tveimur stigum frá íslensku stelpunum á seinni fimm mínútum annars leikhluta. Svæðisvörnin sem íslenska liðið notaði var ekki nógu beitt. Svíarnir fengu alltof mörg opin skot. Maður á mann vörnin skilaði mun betri árangri. Slæmur kafli kom í lok þriðja þegar Svíar náðu að keyra muninn í 20 stig 38-58. Staðan eftir þrjá leikhluta var 42-60 fyirr þær gulu. Tvær tæknivillur voru dæmdar á íslenska liðið. En íslenska liðið lét störf dómarana fara í taugarnar á sér. Þriggja-stiga línan er ekki vinur þeirra íslensku en þær eru búnar að setja aðeins tvö af nítján skotum sínum í keppninni til þessa. Niðurstaða: Þrátt fyrir að þær sænsku hafi reynst sterkari í dag þá gáfust stelpurnar aldrei upp. Varamennirnir sem komu inná spiluðu af krafti og með smá heppni hefði þetta getað orðið leikur alveg fram í lokin. Næsti leikur stelpnanna er í fyrramálið gegn Noregi kl. 09.00 að íslenskum tíma. [v+] http://www.facebook.com/photo.php?v=3521811376788[v-]Viðtal[slod-] við Jón Halldór Eðvaldsson fyrir leikinn á Facebook síðu KKÍ. [v+] http://karfan.is/frettir/2012/05/17/u18_kvk_island-svithjod:_bein_textalysing [v-]Textalýsing[slod-] á Karfan.is. [v+]http://iof1.idrottonline.se/templates/PageWide.aspx?id=18454&game_id=1178073&league_id=undefined&season_id=58383#mbt:11-400$t&0=1[v-]Tölfræði leiksins[slod-] [v+][v-][slod-]