![Samþykkt formannafundar KKÍ mun fækka erlendum leikmönnum](http://gamli.kki.is/myndir/kki_logo2.jpg)
27 apr. 2012Á formannafundi KKÍ sem fram fór í dag var samþykkt af fundarmönnum að fela stjórn KKÍ að útfæra tillögur þeirra sem samþykktar voru. Þær fela í sér að í úrvalsdeild karla næsta vetur verður liðum heimilt að hafa að hámarki tvo erlenda leikmenn á vellinum hverju sinni og í úrvalsdeild kvenna og 1. deild karla verður liðum heimilt að vera með einn erlendan leikmann á vellinum hverju sinni. Þá var einnig samþykkt að breyta félagaskiptareglum á þann veg að félagaskipti eru frjáls frá 1. júní til og með 15. nóvember, óheimil frá 16. nóvember til og með 31. desember. Félagaskipti eru frjáls frá 1. janúar til og með 31. janúar en óheimil frá 1. febrúar til og með 31. maí.