![Dómarar í leikjunum um helgina](http://gamli.kki.is/myndir/domari_mynd.jpg)
17 feb. 2012Það er óhætt að segja að mikil reynsla sé í þeim dómurum sem raðað hefur verið á úrslitaleikina um helgina. Kristinn Óskarsson og Georg Andersen sem dæma kvennaleikinn hafa dæmt samtals 1862 leiki. Kristinn er með 1278 og Georg 584. Sigmundur Már Herbertsson, Rögnvaldur Hreiðarsson og Einar Þór Skarphéðinsson sjá um dómgæsluna í karlaleiknum en þeir félagar hafa dæmt samtals 3618 leiki. Rögnvaldur er með 1370, Sigmundur 1226 og Einar 1022. Leikirnir eru kl. 13.30 hjá konum og 16.00 hjá körlunum á laugardaginn kemur í Laugardalshöllinni. Dómarar í bikarúrslitaleik kvenna: · Kristinn Óskarsson er að dæma sinn þriðja bikarúrslitaleik hjá konum. Hann hefur áður dæmt árin 1991 og 2006. Kristinn hefur dæmt níu bikarúrslitaleiki karla, árin 1991, ‘92, ‘95, ‘98, 2002, ‘06, ‘08, ‘10 og ‘11. Kristinn er því að mæta í 12. skipti í Höllina að dæma bikarúrslitaleik. · Georg Andersen hefur dæmt einn úrslitaleik kvenna áður árið 2004. · Rúnar Gíslason verður eftirlitsmaður á leiknum. Dómarar í bikarúrslitaleik karla: · Sigmundur Már Herbertsson Sigmundur hefur dæmt þrjá bikarúrslitaleiki kvenna (‘97, ‘98 og 2010). Hann hefur einnig dæmt sex bikarúrslitaleiki karla ('00, ‘03, ‘06, ‘07, ‘09 og ’11) og er því að mæta í 10. sinn í Höllina til þess að dæma bikarúrslitaleik. · Rögnvaldur Hreiðarsson hefur dæmt þrisvar sinnum áður í bikarúrslitum karla, fyrst 2004, síðan aftur árið 2006 og loks 2010. Hann á einnig fjóra leiki að baki í bikarúrslitum kvenna og er því að dæma sinn áttunda leik í úrslitunum. · Einar Þór Skarphéðinsson er að dæma sinn fyrsta úrslitaleik karla. Einar hefur dæmt þrjá úrslitaleiki kvenna, árin 2009 og 2011. · Björn Leósson verður eftirlitsmaður á ritaraborði á leiknum.