![Síðasti dagur félagaskipta er 5. febrúar](http://gamli.kki.is/myndir/felagaskiptablad.jpg)
1 feb. 2012Á miðnætti næsta sunnudag, þann 5. febrúar, lýkur þeim tíma sem hægt er að skipta um félög á núverandi keppnistímabili. Það á við um alla íslenska leikmenn óháð aldri, evrópuleikmenn og leikmenn með bandarískt vegabréf eða vegabréf utan FIBA Europe sem hafa fengið leikheimild á yfirstandandi tímabili. Þessum leikmönnum er óheimilt að skipta um félag eftir 5. febrúar. Undanskildir eru nýir leikmenn með ríkisfang utan Evrópu eða með ríkisfang lands utan FIBA Europe. Þeim er heimilt að ganga í nýtt félag nema þegar um er að ræða félagaskipti slíkra leikmanna á milli félaga innan KKÍ eins og áður segir. Félagaskipti þurfa því að berast skrifstofu KKÍ (með pósti, tölvupósti, faxi eða skilað inn á opnunartíma) fyrir lok laugardagsins. Þau þurfa að vera vandlega útfyllt og með undirskrift forsvarsmanns þess félgas sem gengið er úr því til staðfestingar að félagaskiptin megi fara fram. Úr reglugerð KKÍ um félagaskipti: 3. liður - 6. gr. Tímabil félagsskipta „Félagaskipti eru frjáls í öllum flokkum KKÍ nema frá og með 6. febrúar til og með 31. maí ár hvert. Á nefndu tímabili eru félagaskipti óheimil. Þó er leikmanni með ríkisfang utan Evrópu eða með ríkisfang lands utan FIBA Europe heimilt að skipta um félag á nefndu tímabili nema þegar um er að ræða félagaskipti slíkra leikmanna á milli félaga innan KKÍ.“