8 okt. 2011
Árlegur leikur milli núverandi Íslandsmeistara og Bikarmeistara karla og kvenna fer fram á sunnudaginn.
Kvennaleikurin hefst kl. 17.00. Keflavík er Íslands- og bikarmeistari og mætir KR sem lék til úrslita gegn Keflavík í Poweradebikarnum.
Hjá körlum, sem hefja leik kl. 19.15, mætast íslandsmeistarar KR og þar sem þeir eru tvöfaldir meistarar líkt og Keflavík hjá konum, mæta þeir Grindavík sem eru fulltrúar Poweradebikarsins.
Leikirnir fara fram í DHL-höllinni, en að venju er leikið á heimavelli Íslandsmeistara karla. Boðið verður upp á BBQ-grill frá kl. 16.00 og fyrir seinni leikinn einnig. Karlakór Kaffibarsins mun syngja og veitingasala verður á sínum stað.
Allur ágóði af leiknum rennur til yngri landsliðsstarfs KKÍ að þessu sinni og gilda boðskort/aðgöngukort KKÍ ekki á þessum leik.
Miðaverð er 1.500 kr. fyrir fullorðna og 500 kr. fyrir 15 ára og yngri. Miðinn gildir á báða leikina.