![Þrjú sæti laus af 12 á ÓL2012](http://gamli.kki.is/myndir/ol_london2012.jpg)
28 sep. 2011Í dag hafa níu lið tryggt sér farseðilinn á Ólympíuleikana í London á næsta ári en 12 lið munu að lokum halda til London og freista þess að vinna eftirsóttasta titil heims. Kína tryggði sér sæti á ÓL2012 með því að sigra Asíuleikanna um helgina þegar þeir lögðu Jórdaníu í spennuleik 70-69. Bandaríkin tryggðu sér sitt sæti þegar þeir urðu heimsmeistarar í Tyrklandi 2010 og Bretland verða einnig með sem gestgjafar að þessu sinni. Nú í sumar tryggðu nokkrar þjóðir sér sæti auk Kína. Túnis urðu Afríkumeistarar og Argentína sigraði í Ameríkukeppninni. Brasilía fer einnig áfram þar sem þeir lentu í öðru sæti í þeirri keppni. Það sama gildir um Frakka sem töpuðu fyrir Spánverjum í úrslitaleik á EM í Litháen og bæði verða þau með í London. Þrjú sæti eru því laus og það verða 12 lið sem munu keppa um þau. Liðin eru Angóla, Nígería, Dóminíska Lýðveldið, Púertó Ríkó, Venúsúela, Nýja Sjáland, Rússland, Makedónía, Litháen, Grikkland, Jórdanía og Kórea. Þau munu spila á FIBA Olympic-móti dagana 2. júlí - 8. júlí næstkomandi sumar. Þau lið sem náðu að vinna sér inn sæti með góðri frammistöðu á þessu móti síðast fyrir leikanna í Beijing 2008 voru Grikkir, Króatía og Þýskaland, en Evrópuþjóðirnar í ár verða að teljast líklegastar til að tryggja sér sæti á ÓL2012.