1 sep. 2011
Í gær byrjaði Evrópukeppnin í Litháen af fullum krafti og fóru fyrstu 12 leikir mótsins fram í gær. Í dag er svo komið að næstu tólf leikjum og þar eru nokkrir athyglisverðir leikir á dagskránni.
Nágrannarnir Portúgal og Spánn mætast, en fyrirfram á Spánn að hafa öruggan sigur. Portúgal var síðasta liðið til að komast inn á mótið eftir umspil og spánverjar eru gríðarlega sterkir líkt og undanfarin ár og eru fyrirfram líklegir til að fara langt í ár.
Finnar eru eina norðurlandaþjóðin á EM og eru þeir að leika í annað sinn í lokakeppninni. Þeir mæta sterku liði Grikkja í dag, en töpuðu naumt fyrir Króatíu í gær eftir að hafa verið í jöfnum leik fram á síðustu mínútur.
Fyrrum samlandar Bosníu og Svartfjallalands mætast, en Svartfjallaland er í fyrsta sinn að keppa á EM, en þeir voru að hefja leik sem þjóð árið 2009 þegar þeir léku í riðli með Íslandi og heimsóttu okkur heim í Laugardalshöllina.
Ítalía og Þýskaland mætast einnig í dag en Ítalía er með sterkara lið en þeir hafa verið með undanfarin ár og Þýskaland með Dirk Nowitzki (25 stig) og Chris Kaman (18 stig, 10 fráköst) í fararbroddi sigruðu Ísrael í gær.
Allir leikirnir eru í beinni tölfræðilýsingu á eurobasket2011.com og hægt er að kaupa aðgang að beinum útsendingum á FIBATV.com.
Hér til hægri á heimasíðu KKÍ.is er yfirlit yfir leikjum dagsins.
Leikir dagsins:
Portúgal · Spánn
Lettland · Serbía
Bosnía · Svartfjallaland
Búlgaría · Belgía
Bretland · Tyrkland
Ísrael · Frakkland
Finnland · Grikkland
Georgía · Rússland
Póland · Litháen
Ítalía · Þýskaland
Makedónía · Króatía
Úkraína · Slóvenía
