24 ágú. 2011Á loka- og afmælishófi KKÍ í vor var Pétur Guðmundsson sérstakur heiðursgestur, en hann kom til landsins frá Seattle, þar sem hann býr og var mjög ánægjulegt að hafa hann viðstaddan í tilefni dagsins. Við það tilefni var sýnt skemmtilegt myndband frá því þegar Pétur lék í NBA á árunum 1986-1989 með LA Lakers og San Antonio Spurs. Myndbandið vakti gríðarlega lukku og var Pétur hylltur í lokin með lófataki og fagnaðarlátum, enda ekki margir sem hafa náð að sjá myndbrot frá árum hans í NBA og jafnvel áttað sig á afreki hans að leika í liði með Magic Johnson, Kareem Abdul-Jabbar, James Worthy og félögum og að ná því að leika gegn stjörnum eins og Hakeem Olajuwon og Michael Jordan. Þess má geta að Pétur var ekki bara fyrsti og eini íslendingurinn til að leika í NBA heldur var hann fyrsti evrópubúinn til að leika í deildinni. Myndbandið er nú komið á [v+]http://www.youtube.com/user/KKIkarfa?feature=mhee [v-]YouTube-rás KKÍ[slod-] og hægt er að sá það hér að neðan: