![Leikmannakynning: Hlynur Bæringsson #8](http://gamli.kki.is/myndir/hlynur_sundsvall.jpg)
20 júl. 2011Hlynur Bæringsson, leikmaður sænsku meistaranna í Sundsvall Dragons er næsti leikmaðurinn sem við kynnum til leiks fyrir NM 2011, sem fer fram á hans eigin heimavelli í svíaríki. Fullt nafn: Hlynur Elías Bæringsson Hæð: 200 CM Aldur: 29 Gælunafn: ekkert Giftur / sambúð? Já í sambúð með Unni Eddu Davíðsdóttur Börn: Heldur betur, Heiðrún Björg, Berglind Katla og Baltasar Torfi. Hvað eldaðir þú síðast? Var sendur á matreiðslunámskeið snemma árs 2010, fljótlega eftir það steikti ég fisk. Steikti víst aðeins of mikið og fiskurinn brann. Ég reyni aftur fljótlega. Ertu matvandur, er eitthvað sem þú borðar alls ekki? Ég borða nánast allt, en bý við þau forréttindi að þurfa sjaldan að sætta mig við vondan mat. Hvað seturðu á pizzuna þína? Misjafnt, en það er yfirleitt pepperoni á pizzunni. Uppáhalds vefsíða? Vefsíður eru ekki eitthvað sem ég held sérstaklega uppá en ég skoða mest fréttamiðlana. Frægasti vinur þinn á Facebook? Micheal Kingma, hann lék í Star Wars skilst mér. Það er víst til töluvert af fólki sem fylgist með þeirri vitleysu. Ertu hjátrúarfull(ur) fyrir leiki (ef já, hvernig þá)? Nei. Leikur þinn og líf er byggt á veikum grunni ef hjátrú skiptir þar miklu máli. Hver var átrúnaðargoð þitt á yngri árum? Í körfunni var það Charles Barkley. Allir ungir leikmenn ættu að kíkja á gamlar klippur frá honum. Erfiðasti andstæðingur? Yao Ming Sætasti sigurinn? Titlar síðustu tveggja ára, þá sér í lagi með Snæfell 2010. Mestu vonbrigði? Enginn sérstakur leikur sem situr í mér, ég jafna mig nokkuð fljótt. Helstu vonbrigðin eru að hafa ekki tekið betri ákvarðanir snemma á ferlinum. Ef þú fengir að velja einn leikmann í heiminum í þitt lið, hver yrði það? Dirk Nowitzki, við hinir erum bara að leika okkur, hans leikur er listgrein. Segðu okkur frá skemmtilegu / skondnu atviki sem gerst hefur í leik: Það var meira svona had to be there moment, segi ykkur frá því síðar. Hvenær lékstu þinn fyrsta leik með meistaraflokki? 1997, ég og Ívar Webster áttum nokkrar epic viðureignir seint á síðustu öld. Hver er uppáhaldsstaðurinn þinn í öllum heiminum? Róm og New York en mér líður samt alltaf best þar sem börnin mín eru hverju sinni. Vandræðalegasta augnablik? Ég get svo svarið það að ég man ekki eftir neinu, kann greinilega ekki að skammast mín. Hver á ljótasta bílinn í liðinu? Jón Arnór er á einhverjum slyddujeppa sem hann mætti alveg skipta út. Talandi um bíla þá er ég að selja minn, hann fæst á fínum prís þar sem ég er að fara út og hef lítið við hann að gera. Ford Escape XLT árg 2006. Hafið samband. (plögg) Hver er fyndnastur í liðinu? Helgi Magg er sniðugur. Komdu með eina staðreynd um þig sem flestir vita ekki um: Ég er fáránlega góður í tölvuleikjum, samt spila ég nánast aldrei tölvuleiki. Merkileg blanda. Uppáhalds: Lið í NBA: Dallas Lið í Evrópska körfuboltanum: Sundsvall Dragons Leikmaður í körfu: Dirk Erlenda hljómsveit: Pearl Jam Innlenda hjlómsveit: Hjálmar Bíómynd: Shawshank Redemption Sjónvarpssería The Wire eru skemmtilegir þættir, samt sofna ég alltaf yfir þeim.