![Leikið gegn Belgum klukkan 12 að íslenskum tíma](http://gamli.kki.is/myndir/kki.jpg)
17 júl. 2011Í dag leikur íslenska liðið gegn ósigruðu liði Belga en liðið átti frí í gær. Strákarnir áttu frídag í gær og var tíminn m.a. notaður til að skoða belgíska liðið sem lék gegn Ísrael. Belgarnir eru sterkir og hafa allir leikir þeirra þróast með svipuðum hætti. Leikirnir eru jafnir framan af og jafnvel fram að hálfleik en þá síga þeir fram úr og hafa unnið alla sína leiki nokkuð sannfærandi. Lið þeirra er skipað miklum íþróttamönnum sem leika stífa vörn og ná þeir að þreyta andstæðinga sína jafnt og þétt. Það verður verðugt verkefni fyrir okkar stráka að takast á við Belgana en þeir ætla að gefa allt í verkefnið og landa fyrsta sigrinum eftir tvö erfið og svekkjandi töp. Leikmenn okkar eru á meðal efstu manna í ýmsum tölfræðiþáttum en hana má skoða [v+]http://u20men.fibaeurope.com/enDivB/default.asp?cid=%7B437CD793-ED0C-4EE5-8163-6F08988C6501%7D&pageID=%7B249C72B9-C8C1-4F23-A2FF-6CEF0101746D%7D&compID=%7B792A6AB7-C6A6-434B-BEA5-9BF1BC619DB4%7D&season=2011&statCat=AS[v-]hér[slod-] og til hægri á þessari síðu er svo hægt að skoða aðra þætti en stoðsendingar sem kemur upp þegar smellt er á hlekkinn að ofan. Ægir Þór er stoðsendingahæstur á mótinu. Tómas Heiðar er einn af stigahæstu leikmönnum mótsins og jafnframt er hann með flestar þriggja stiga körfur að meðaltali í leik eða fjórar. Haukur Helgi er á meðal stigahæstu og frákastahæstu leikmanna á mótinu auk þess að vera á meðal efstu manna í þriggja stiga nýtingu. Ragnar Nathanaelsson er á meðal þeirra sem hafa varið flest skot í leik.