![NBA nýliðavalið í nótt](http://gamli.kki.is/myndir/nylidaval2011_stern.jpg)
24 jún. 2011Íslandsvinurinn Kyrie Irving, bakvörður Duke, var í nótt valinn fyrstur í nýliðavali NBA af Cleveland Cavaliers. Kyrie [v+]http://www.karfan.is/frettir/2011/05/23/feitasti_bitinn_i_nylidavalinu_setti_52_stig_a_u18_ara_landslidid_2008 [v-]heimsótti Ísland vorið 2008[slod-] með Miðskólanum sínum sem hann lék í á þeim tíma og spilaði með því gegn U18 ára landsliðinu í æfingaleik. Sannarlega gaman fyrir þá leikmenn sem léku gegn honum þá að fylgjast með honum í NBA. Fyrrum samherji Hauks Helga hjá Maryland í vetur, trukkurinn Jordan Williams var valinn snemma í annarri umferð til New Jersey Nets og verður gaman að sjá hvernig honum vegnar í deildinni en hann átti tvö ár eftir af skólanum þegar hann ákvað að fara í nýliðavalið. Af öðrum skemmtilegum leikmönnum sem ættu að vera íslenskum áhugamönnum um NCAA háskólaboltanum vel kunnugir var Jimmer Freddette valinn 10. til Millwaukee Bucks sem enduðu á að skipta honum til Sacramento Kings. Liðið er að reyna að byggja sér um aðdáendahóp til að geta haldið áfram dvöl sinni í Sacramento borg. Jimmer sem er líklega einn mest umtalaðasti leikmaður deildarinnar í vetur og sá leikmaður sem skoraði mest, mun án efa draga aðdáendur á leiki liðsins, enda frábær leikmaður og karakter, og það hefur án efa haft eitthvað að segja um áhuga Sacramento. Derrick Williams, framherjinn fimi frá Arizona fór til Minnisota nr. 2 og Kemba Walker sem leiddi UConn til sigurs í vetur fór til Charlotte Bobcats nr. 9. Af þeim 10 fyrstu sem voru valdir er áhugavert að sjá fjóra evrópumenn valda snemma en Enes Kanter frá Tyrkalndi fór til Utah nr. 3, Jonas Valanciunas frá Litháen fór nr. 5 til Toronto, Jan Vesely fór nr. 6 til Washington og Bismack Biymbo frá Spáni fór nr. 7 á endanum til Charlotte Bobcats, sem þar með eiga leikmenn úr valrétti nr. 7 og 9 í ár. Hægt er að sjá allt um nýliðavalið á vefsíðu [v+]http://www.nba.com/draft/2011/index.html [v-]NBA.com/draft2011[slod-].