![Sumardeildin farin af stað](http://gamli.kki.is/myndir/sumardeildin.jpg)
20 jún. 2011Sumardeildin 2011 er farin af stað en þetta er annað árið í röð sem hún er haldin. Um er að ræða Streetball-mótaröð sem rúllar í sumar og sjá liðin sem skráð eru til leiks sjálf um að mæla sér mót og keppa. Níu lið skráðu sig í ár og þar á meðal eru sigurvegarar síðasta árs Lithuanica meðal þátttakenda. Önnur lið sem skráðu sig eru Ravens, Team DC, Glímufélagið, Jailblazers, Óvissumenn, Þristurinn, CCP og Gullni Örninn. Að hámarki geta sjö leikmenn skipað hvert lið en leikið er 3-á-3 og fær varnarliðið boltann eftir skoraða körfu. Leikið er upp í 21 en sigra þarf með 2 stigum. Miðað er við að öll lið hafa leikið sína 16 leiki fyrir miðjan ágúst en þá fer fram úrslitakeppni með skemmtilegri umgjörð en í fyrra var blíðskaparveður á Klambratúni þar sem leikið var, leikmenn og gestir fengu ís frá Kjörís, DJ lék tónlist og keppt var í -stiga keppni. Sigurvegari hennar fékk svo að taka þátt í 3-stiga keppninni á sjálfum Stjörnuleiknum sem fram fór í Seljaskóla í desember síðastliðnum gegn helstu skyttum landsins.