![Dagur 3: Samantekt](http://gamli.kki.is/myndir/kki.jpg)
3 jún. 2011Þriðja degi á NM er lokið en 18 ára lið kvenna hefur lokið keppni. Einn sigur vannst í dag í þeim fimm leikjum sem liðin léku. U18 Kvenna Ísland-Noregur 60-64 Mikill viðsnúningur var á leik íslensku stelpnanna miðað við gærdaginn. Þær voru yfirvegaðar frá upphafi og ætluðu ekki að láta vaða yfir sig aftur. Villuvandræði ollu því að stóru leikmenn Íslands gátu ekki spilað eins mikið og þjálfari liðsins vildi. En fráköstin voru vandamál. Þær fengu tækifæri til að komast yfir í lokin en skotið vildi ekki ofaní og norska liðið fagnaði sigri. Sigrún Albertsdóttir átti flotta innkomu af bekknum í dag. Hún leysti af þegar stóru leikmennirnir lentu í villuvandræðum. Tölfræðin sýnir að þegar liðið passar boltann þá gefa þær sér tækifæri til að vinna. Töpuðu 13 boltum í leiknum. Lykillinn: Að láta boltann vinna fyrir sig í sókninni. Þegar þær gáfu boltann á milli þá fengu þær venjulega góð skot í stað þess að þvinga eitthvað. U18 Karla Ísland-Noregur 81-60 Strákarnir í U18 eru komnir með tvo sigra úr þremur leikjum eftir sigur á Noregi. Strákarnir sem byrjuðu mjög illa náðu að komast á ný inn í leikinn þegar leið á annan leikhluta og náðu að lokum að jafna 37-37 með flautusniðskoti frá Martini Hermannssyni. Seinni hálfleikur var mjög góður hjá íslenska liðinu þar sem þeir keyrðu upp muninn og margir leikmenn tóku þátt í því að byggja upp forskotið. Ef liðið vinnur Finnland á morgun fara þeir í úrslit gegn Svíum. Jens Valgeir Óskarsson og Ágúst Orrason áttu flotta innkomu af bekknum og hjálpuðu liðinu að landa sigri. Tölfræðin sýnir hve sterkur bekkurinn var hjá Íslandi. Varamenn liðsins skoruðu 40 stig eða næstum því helming stiga liðsins. Lykillinn: Var að koma til baka eftir að hafa lent mikið undir í byrjun leiks. Með þolinmæði komust þeir aftur inn í leikinn. U16 Karla Ísland-Svíþjóð 70-80 Fyrsta tap U16 drengja á mótinu kom gegn Svíþjóð. Svíarnir tefla fram mjög efnilegum drengjum en einn þeirra hefur t.a.m. samið við stórlið Barcelona. Strákarnir héldu í við þá í jöfnum leik en aðeins dróg með liðunum í seinni hálfleik. En þrátt fyrir það gáfust þeir ekki upp og náðu að minnka muninn það mikið að leikurinn varð spennandi. En sterkir Svíarnir náðu að klára leikinn. Strákarnir eiga enn möguleika á að leika til úrslita en síðasti leikur þeirra í riðlinum er á morgun gegn. Þorgeir Blöndal var drjúgur í fráköstunum en hann tók 6 sóknarfráköst í dag. Tölfræðin sýnir að ekkert gekk að skora í teignum en liðið misnotaði í heild 38 skot í teignum. Lykillinn: Var að frákasta vel. Þó að ekkert gekk að skora í teignum tóku þeir mörg sóknarfráköst og héldu lífi í sókninni. U16 Kvenna Ísland-Svíþjóð 53-38 Ekkert gekk í sókninni hjá stelpunum í þessum leik. Eftir að hafa leitt 16-9 kom kafli þar sem liðið skoraði aðeins 2 stig gegn 33 sænskum stigum. Þegar mál standa þannig er ómögulegt að vinna leik. En þær gáfust ekki upp og reyndu eins og þær gátu að minnka muninn. Það kom smá spenna í fjórða leikhluta en Svíarnir keyrðu muninn upp á ný. Sandra Lind Þrastardóttir átti góðan leik en miðherji liðsins sem eru einu ári yngri en töffari og lét finna fyrir sér. Tölfræðin sýnir að boltinn vildi ekki ofaní. Þriggja-stiga skyttum liðsins gekk afar illa hittu úr aðeins tveimur af 19 skotum sínum. Lykillinn: Var að stjórna hraðanum. Þegar þær gerðu það gekk sókninn betur. U18 Kvenna Ísland-Danmörk 45-93 Stelpurnar luku keppni með leik gegn Dönum. Danska liðið var of sterkt fyrir þær íslensku og því var sú litla vona að komast í bronsleikinn frekar snemma úti en Danirnir unnu að lokum stóran sigur. Berglind Gunnarsdóttir var með flotta baráttu í leiknum en hún skoraði 9 stig og tók 7 fráköst. Tölfræðin sýnir að liðið þarf að passa boltann betur. Lykillinn: Að stjórna hraða leiksins.