![Sett í fimmta gír í öðrum leikhluta – allir leikmenn liðsins skoruðu](http://gamli.kki.is/myndir/ThorsteinnEythorssonU16NM2011vsNor.jpg)
2 jún. 2011Strákarnir í U16 unnu stóran sigur á Norðmönnum 113-64. Fyrsti leikhluti var jafn en Ísland leiddi 27-21 að honum loknum. Það var í öðrum leikhluta sem íslensku strákarnir völtuðu yfir frændur okkur með frábærri pressuvörn og uppskárru að lokum stóran en sanngjarnan sigur. Dagur Kár Jónsson skoraði fyrstu sjö stig Íslands en hann meiddist snemma í 2. leikhluta og gat ekki klárað leikinn. Hann verður vonandi með í næsta leik. Íslenska liðið er ekki hávaxið en stóð sig vel gegn stórum norskum leikmönnum. Varnarleikur liðsins var mjög öflugur. Svæðisvörnin sem liðið lék náði að taka úr umferð stærstu leikmenn þess norska. Varnarleikurinn skilaði mörgum auðveldum körfum í kjölfarið. Allir leikmenn liðsins fengu að spreyta sig en það var einmitt breiddin sem hjálpaði liðinu þegar það var að keyra upp muninn. Ingi Þór Steinþórsson, þjálfari, gat skipti ferskum löppum inná og haldið uppi háu tempói. Allir leikmennirnir komust á blað í þessum fyrsta leik Íslands. Oddur Kristjánsson var stigahæstur með 23 stig. Umfjöllun um leikinn á [v+]http://www.karfan.is/frettir/2011/06/02/allir_a_blad_thegar_u16_ara_lidid_vann_sinn_fyrsta_leik[v-]Karfan.is[slod-] Myndasafn úr leiknum á [v+]http://karfan.is/myndir/myndir/id/788[v-]Karfan.is[slod-] Svipmyndir úr leiknum á Youtube-rás [v+]http://www.youtube.com/watch?v=lomYYbVRWbU[v-]KKÍ[slod-] Sjá myndbandsviðtal við Odd Kristjánsson á [v+]http://karfan.is/karfantv/index/video/410[v-]Karfan.is[slod-] Leikurinn í tölum: Flest stig: Oddur Kristjánsson- 23 Flest fráköst: Þorgeir Blöndal - 6 Flestar stoðsendingar: Oddur Kristjánsson - 3 Flestir stolnir boltar: Maciej Baginski - 4 Flest varin skot: Eysteinn Bjarni Ævarsson - 1 Hæsta framlag: Oddur Kristjánsson - 19