1 jún. 2011Sigur vannst á Dönum þegar 18 ára lið drengja vann góðan sigur 80-65. Leikurinn var hraður og skemmtilegur þar sem frábær svæðisvörn Íslendinga lagði grunninn að sigri. Sóknarleikur liðsins var mjög góður og þá sérstaklega í seinni hálfleik en Martin Hermannsson var alls ráðandi í öllum sóknaraðgerðum Íslands. Hann endaði með 22 stig hann skoraði 16 af 29 stigum Íslands í fyrri hálfleik. Danir sem tefldu fram sterkum og stórum strákum náðu ekki að leysa svæðisvörn Íslendinga sem var vel skipulögð og mjög grimm. Íslensku strákarnir settu aðeins eitt af tíu þriggja-stiga skotum í fyrri hálfleik en í þeim seinni duttu sex af níu. Lokatölur leiksins 80:65 Íslandi í vil. Næstu leikur strákanna er á morgun gegn Svíþjóð kl. 16:30 að íslenskum tíma. Umfjöllun um leikinn á [v+]http://www.karfan.is/frettir/2011/06/01/martin_borgarstjori_i_solnahallen_leiddi_18_ara_lidid_til_sigurs[v-]Karfan.is[slod-] Myndasafn úr leiknum á [v+]http://karfan.is/myndir/myndir/id/787[v-]Karfan.is[slod-] Svipmyndir úr leiknum á Youtube-rás [v+]http://www.youtube.com/watch?v=-34DVL7tie0[v-]KKÍ[slod-] Sjá myndbandsviðtal við Martin Hermannsson leikmann U18 á [v+]http://karfan.is/karfantv/index/video/409[v-]Karfan.is[slod-] Leikurinn í tölum: Flest stig: Martin Hermannsson - 22 Flest fráköst: Kristófer Acox - 7 Flestar stoðsendingar: Valur Orri Valsson - 3 Flestir stolnir boltar: Kristófer Acox - 3 Flest varin skot: Snorri Hrafnkelsson - 1 Hæsta framlag: Martin Hermannsson - 23