![Golfmót Körfuboltamanna 2011](http://gamli.kki.is/myndir/golfmot2011.jpg)
24 mar. 2011Ríkharður Hrafnkelsson hefur að venju hafið undirbúning fyrir komandi mót og er staðsetning orðin ljós á mótinu í ár. Hið árlega golfmót körfuboltamanna fer fram fimmtudaginn 16. júní í Vestmannaeyjum og verður ræst út af öllum teigum samtímis. Nánari tímasetning innan dagsins verður tilkynnt þegar nær dregur, en tíminn verður miðaður við siglingar Herjólfs frá Landeyjarhöfn. Þetta verður í fjórtánda sinn sem mótið fer fram, en mótið var fyrst haldið í Hólminum árið 1998. Mótið var einmitt haldið í Hólminum í fyrra og þar á undan í tvö ár á Flúðum. Golfvöllurinn í Eyjum er gríðarlega fallegur og skemmtilegur og upplifun að leika þar. Á mótið eiga erindi allir þeir sem einhvern tíman hafa komið nálægt körfubolta, sem leikmenn, dómarar, stjórnarmenn eða á einhvern annan hátt og eru að fikta við golfið. Makar eru að sjálfsögðu einnig velkomnir. Vel hefur verið mætt á mótin undanfarin ári og þau tekist frábærlega. Leiknar verða 18 holu punktakeppnir, bæði með og án forgjafar, þar sem hámarksforgjöf verður 24 hjá körlum og 28 hjá konum. Skráning og nánari upplýsingar er hjá Ríkharði Hrafnkelssyni í síma 660-3170 eða á tölvupóstfangi: [p+]kki@kki.is[p-] rikkihr@visir.is [slod-]