15 jan. 2011
Það var sannarlega sveiflukenndur leikur sem áhorfendur fengu að sjá í dag í Ásgarði þegar Reykjanesið og Landsbyggðin mættust í Stjörnuleik kvenna. Lokamínútur leiksins voru æsispennandi en lið Reykjaness byrjaði af krafti og komst 20 stigum yfir snemma en hafði að lokum tveggja stiga sigur,
[v+]http://www.kki.is/widgets_game.asp?league_id=undefined&season_id=8850&game_id=263838[v-]112-110[slod-].
Reykjanesið var allsráðandi í fyrsta leikhluta og komst í 17-3 og 27-9 en staðan að loknum fyrsta leikhluta var 40-18 og allt stefndi í rótburst hjá Reykjanesinu.
Lið Landsbyggðarinnar var ekki á því að gefast upp og náðu með seiglu og þrautseigju að minnka muninn og fengu tækifæri til að vinna leikinn en lokaskotið geigaði og lið Reykjaness stóð uppi sem sigurvegari.
Jacquline Adamshick var valin leikmaður leiksins en hún var með fallega þrennu 17 stig, 11 fráköst og 11 stoðsendingar.
Sannarlega vel heppnaður Stjörnuleikur að baki í Ásgarði.
