![KKÍ fagnar 50 ára afmæli árið 2011](http://gamli.kki.is/myndir/kki50_stort.jpg)
29 des. 2010Nú þegar árið er senn að líða sitt skeið er gaman að minna á stórafmælisár KKÍ sem framundan er 2011, en nákvæmlega eftir mánuð mun sambandið fagna 50 ára afmæli sínu eða þann 29. janúar. Stefnt að því að vera með áhugaverða og skemmtilega viðburði yfir allt afmælisárið og á sem flestum stöðum í kringum landið. Afmælisnefndin sem er skipuð þeim Kolbeini Pálssyni, Ríkharði Hrafnkelssyni og Gunnari Þorvarðarsyni hefur ásamt stjórn og starfsmönnum sambandsins unnið að því að gera dagskrá afmælisársins með þeim hætti að ungir sem aldnir geti notið viðburðanna sem framundan eru. Afmælisárið mun hefjist formlega með mikilli veislu á afmælisdaginn sjálfan, laugardaginn 29. janúar, þegar haldin verður fjölskylduhátíð í Vetrargarði Smáralindar. Ákveðið hefur verið að sameina loka- og afmælishóf í eitt stórt hóf og mun það fara fram á Broadway laugardaginn 30. apríl. Búið er að útbúa hátíðarmerki sambandsins í tilfefni afmælisins og er öllum frjálst að nota það og hafa vel sýnilegt á öllum heimasíðum og víðar þar sem á við. Dagskrá afmælisársins er í lokaundirbúningi og verða þeir atburðir kynntir sem fyrst á nýju ári, en það eru atburðir sem fara fram í maí fram til desembers 2011. KKÍ óskar öllum félögum og landsmönnum öllum nær og fjær gleðilegs árs með kærri þökk fyrir samstarfið á árinu 2010.