![Firma og félagakeppni Vals](http://gamli.kki.is/myndir/valur.jpg)
22 des. 2010Hin árlega Firma- og félagakeppni Vals verður að þessu sinni haldin þriðjudaginn 28. desember 2010. Leikið verður í Vodafonehöllinni að Hlíðarenda. Leikið verður á tveimur leikvöllum samtímis (hugsanlega þremur ef á þarf að halda). Sigurvegarar fá bikar í verðlaun og auk þess verða gullverðlauna „peningar“ að vanda. Leikið verður að mestu eftir venjulegum körfuboltareglum, nema leikurinn verður 2 X 12 mínútur, og klukkan aðeins stöðvuð síðustu 2 mínúturnar í leiknum. Til að tefja leikinn sem minnst í vítaskotum verður aðeins tekið eitt skot, sem gildir 1, 2 eða 3 stig eftir atvikum. Mótið er eingöngu ætlað leikmönnum 20 ára og eldri og ekki heimilt að hafa leikmenn úr 1. deild eða Iceland Expressdeild í liðunum. Þátttökugjald er kr. 25.000.- fyrir hvert lið, sem greiðist í síðasta lagi fyrir fyrsta leik liðs. Innifalið í gjaldinu eru veitingar í Lollastúku. Greiða má í gegnum heimabanka inn á reikning: Banki: 0101 - 26 - 3909 kt. 581181 - 0279 Þátttökutilkynningar berist sem fyrst til undirritaðra og í allra síðasta lagi fyrir Þorláksmessu. Með bestu kveðju Torfi Magnússon tm@ismennt.is Sími: 661 8012 Hannes Birgir Hjálmarsson hbh@talnet.is Sími: 697 5999