![Stjörnuleikshátíðin: Ný skotkeppni milli liða](http://gamli.kki.is/myndir/allstar2010.jpg)
6 des. 2010Á Stjörnuleikshátíðinni 11. desember næstkomandi mun nýr skotleikur verða kynntur til sögunnar hérlendis. Leikurinn er fenginn frá Stjörnuleikshátíð NBA deildarinnar og ber nafnið [v+]http://www.youtube.com/watch?v=w4fcQrudkAg [v-]„Shooting-Stars“ (sjá video)[slod-] og hefur vakið mikla lukku. Haukar, Keflavík, KR og Njarðvík voru dregin út og munu taka þátt í þetta sinn. Hvert lið er skipað einum leikmanni úr meistaraflokki karla, einum úr meistaraflokki kvenna og svo að auki einum eldri leikmanni sem er hættur að keppa en hefur skipað sér á sess í sögu félagsins. Liðin verða skipuð eftirtöldum leikmönnum: KR: Brynjar Þór Björnsson, Hildur Sigurðardóttir og Kolbeinn Pálsson íþróttamaður ársins 1966 Haukar: Haukur Óskarsson, María Lind Sigurðardóttir og Ívar Ásgrímsson Njarðvík: Kristján Sigurðsson, Ólöf Helga Pálsdóttir og Ísak Tómasson Keflavík: Hörður Axel Vilhjálmsson, Pálína Gunnlaugsdóttir og Jón KR Gíslason Keppnin mun fara þannig fram að saman þarf liðið að klára að hitta einu sinni á sex stöðum, allt frá skotum inni í teig og út á miðju vallarins og verður tekinn tími hversu lengi liðið er að klára þrautina. Tveir leikmenn eru með tvær stöðvar (þrjár innan teigs og eina fyrir utan) og sá þriðji er með eina utan teigs. Saman taka allir leikmenn svo síðustu stöðina sem er nálægt miðju vallarins. Klára þarf eina stöð til að byrja á næstu sem búið er að skipta niður í ákveðna röð stöðva. Hér fyrir neðan má sjá mynd af þeim stöðum sem þarf að skjóta á í réttri röð:
![](http://www.kki.is/myndir/allstar2010_skotkeppnistjarnanna.jpg)