![Fjölliðamótin að fara af stað um helgina](http://gamli.kki.is/myndir/bolti_vollur.jpg)
15 okt. 2010Um helgina fara fyrstu fjölliðamót ársins af stað en leikið er víða um allt land en alls fara fram 12 fjölliðamót þessa helgi. Alls eru þetta 54 lið sem eru að leika um helgina og ljóst er að körfuboltinn er í miklum blóma um land sem er sérstaklega ánægjulegt. Keppt er í Rimaskóla, Síðuskóla á Akureyri og í Ásgarði í 11. flokki karla. Í stúlknaflokki er keppt í DHL-höllinni, í Smáranum og í Njarðvík. Grindavík sér um A-riðil 8. flokks kvenna og Sindri á Höfn er með umsjón á B-riðlinum. Keppt er í fjórum riðlum í 8. flokki karla. Leikið verður í Keflavík, Kennaraháskólanum, á Sauðárkróki og í Borgarnesi.