![Utandeild Breiðabliks](http://gamli.kki.is/myndir/breidablik.jpg)
23 sep. 2010Körfuknattleiksdeild Breiðabliks mun eins og undanfarin mörg ár standa fyrir Utandeild í körfubolta. Utandeildin hefur verið vaxandi ár frá ári enda hefur hún gengið hnökralítið fyrir sig og félögin sem tekið hafa þátt verið ánægð með leikina og aðstöðuna. Skráningarfrestur er til 4. október og skal skrá sig með tölvupósti til petur@getraunir.is Keppnisfyrirkomulag verður ákveðið eftir fjölda þátttökuliða en öll lið fá að minnsta kosti 5 leiki. Leikið verður á föstudagskvöldum í Smáranum á glæsilegu parketgólfi og hefst mótið í nóvember. Þátttökugjald verður 45.000 og greiðist fyrir fyrsta leik.