23 sep. 2010
Mefylgjandi er mynd af fulltrum KKÍ og Íslenskra getrauna, frá vinstri Stefán Konráðsson, framkvæmdastjóri Íslenskra getrauna, Hannes Sigurbjörn Jónsson, formaður KKÍ og Pétur Hrafn Sigurðsson, sölustjóri Íslenskra getrauna
KKÍ og Íslenskar getraunir skrifuðu undir nýjan samstarfssamning í gær. Samstarfið felur meðal annars í sér að Deildarbikarinn mun bera nafnið
Lengjubikarinn næstu tvö keppnistímabilin.
Það er KKÍ mikils virði að hafa öfluga samstarfsaðila og hefur samstarfið við Íslenskar getraunir verið með miklum ágætum síðastliðin ár. Það er því mikið ánægjuefni fyrir KKÍ að halda samstarfinu áfram.
Til gamans má geta þess að þegar deildarbikarinn / fyrirtækjabikarinn hóf göngu sína keppnistímabilið 1996-1997 þá hét keppnin Lengjubikarinn.
Úrslitaleikir í Lengjubikar karla og kvenna verða í Laugardalshöll sunnudaginn 26. september næstkomandi kl. 13.00 (konur) og kl. 15.30 (karlar).
Miðasala mun fara fram á midi.is sem og á leikstað á leikdegi.