![Nýir þjálfarar á U18](http://gamli.kki.is/myndir/jonhalldoredvalds.jpg)
2 júl. 2010Á dögunum var gengið frá samningi við þá Einar Árna Jóhannsson og Jón Halldór Eðvaldsson og stjórna þeir 18 ára liði og karla og kvenna næstu tvö árin. Einar Árni þjálfar 18 ára landslið karla næstu tvö árin. Samningur þess efnis var undirritaður nýlega. Einar fylgir því árgöngum 1993 og 1994 áfram en hann stýrði þessum liðum báðum í U15 og U16, og skemmst er að minnast þess að 1994 árgangur varð U16 Norðurlandameistari í maí. Þeir unnu einnig Copenhagen invitational í fyrra en 1993 árgangur vann til bronsverðlauna á NM 2009. Næsta verkefni U18 er NM vorið 2011 en þá er árgangur 1993 á eldra ári og 1994 á yngra ári. Einar Árni mun kalla saman æfingahóp 28. og 29. ágúst og svo aftur 11. og 12. september, en hann mun boða hópinn á næstu dögum. Einnig var gengið frá samning við Jón Halldór Eðvaldsson og mun hann þjálfa 18 ára landslið kvenna næstu tvö árin en hann stýrði 1994 árgangnum sem var U16 lið á Norðurlandamótinu sem fram fór í maí s.l. í Svíþjóð. Næsta verkefni U18 er NM vorið 2011 en þá er árgangur 1993 á eldra ári og 1994 á yngra ári. Jón Halldór mun kalla saman æfingahóp 28. og 29. ágúst og svo aftur 11. og 12. september, en hóparnir verða boðaðir á næstunni.