![Götuboltamót á Sauðárkróki næstu helgi](http://gamli.kki.is/myndir/lummudagar.jpg)
23 jún. 2010Körfuknattleiksdeildin stendur fyrir götuboltamóti í samvinnu við Ólafshús á körfuboltavellinum við Árskóla, laugardaginn 26. júní kl. 10.00. Haldnir verða "Lummudagar" Króknum og að því tilefni er efnt til körfuboltamóts. Mótið verður spilað með fyrirkomulaginu 3-á-3 og og verður keppt í eftirfarandi aldursflokkum beggja kynja: · 12-16 ára · 17 ára og eldri Ef skipta þarf í riðla verður reynt að raða saman líkum aldri í þá. Skráningu þarf að senda á netfangið [p+]streetball@tindastoll.is[p-] streetball@tindastoll.is[slod-]. Þar þarf að koma fram nafn á liði, nöfn leikmanna og í hvaða aldursflokki er spilað. Spilað verður upp í 11 stig eða 10 mínútur, en það fer þó eftir fjölda skráninga. Miðað er við aðstæður á mótsstað og verður því eitt stig gefið fyrir körfuna. Verði staðan jöfn, verður spilað þangað til annað liðið skorar. Engin víti eru, sóknin dæmir og varnarlið fær boltann eftir skoraða körfu. Sérstakur styrktaraðili mótsins er Ólafshús sem gefur verðlaun. Ekkert þátttökugjald verður innheimt, en á móti eru þátttakendur beðnir um að sýna af sér íþróttamennsku og drenglyndi í leikjunum. Nánari upplýsingar gefur Rúnar Birgir Gíslason mótsstjóri í síma 618-4910.