8 jún. 2010Nú er lokaundirbúningur hafinn fyrir hið árlega Golfmót Körfuboltamanna, en leikið verður í heimabæ Íslands- og Bikarmeistara Snæfells að þessu sinni á Víkurvelli í Hólminum. Mótið fer fram föstudaginn 18. júní, sama dag og FIBA, alþjóða körfuknattleikssambandið á afmæli, og því ekki ólíklegt öllum þátttakendum eigi eftir að vegna vel í mótinu. Á mótið eiga erindi allir þeir sem einhvern tíma hafa komið nálægt körfubolta, sem leikmenn, dómarar, stjórnarmenn eða á einhvern annan hátt og eru að fikta við golfið. Makar eru að sjálfsögðu einnig velkomnir. Leiknar verða 18 holu punktakeppnir, bæði með og án forgjafar, þar sem hámarksforgjöf verður 24 hjá körlum og 28 hjá konum. Skráning og nánari upplýsingar er hjá Ríkharði Hrafnkelssyni í síma 897-6279 eða á tölvupóstfangi: [p+]rikkihr@visir.is[p-] rikkihr@visir.is[slod-]. [v+]http://www.kki.is/frettir.asp?adgerd=ein&id=6207 [v-]Upprunalega fréttin frá 8. apríl um mótið[slod-].