![19 stiga sigur á Dönum á EM](http://gamli.kki.is/myndir/erlingur_hannesson.jpg)
30 júl. 2009Íslensku strákarnir léku mjög vel í dag og sigruðu Dani 99-80 eftir að hafa leitt í hálfleik 42-30. Sigurinn dugaði liðinu ekki til að leika um 9-13 sæti þar sem Finnar töpuðu fyrir Ungverjum 79-83 og því voru þau lið með betri innbyrðis stigaskor. Stigahæstur í dag var Tómas Heiðar Tómasson með 19 stig. Íslensku strákarnir fylgdust spenntir með Finnum leiða mest með 7 stigum gegn Ungverjum, en þeir máttu tapa með 2 stigum til þess að íslenska liðið kæmist uppúr G-riðlinum. Ótrúleg síðasta mínúta þar sem Ungverjar skoruðu 0-6 og tryggðu sér 79-83 sigur tryggði þeim og Finnum sæti í keppninni um sætin 9-13. Danir og Íslendingar gátu því ekki komist lengra með sigri en íslensku strákarnir sýndu hversu vel þeir geta leikið og höfðu forystu allan leikinn. Allir 12 leikmenn léku og var hittni liðsins mjög góð. Staðan eftir fyrsta leikhluta var 25-19 og baráttan var íslenska liðsins. Í öðrum leikhluta hófu strákarnir að pressa danina og töpuðu þeir töluvert af boltum og 12 stiga forysta liðsins í hálfleik sanngjörn 42-30. Í þriðja leikhluta hófu strákarnir leikinn af krafti og komust mest 25 stigum yfir í leikhlutanum og virtust ætla að skilja danina langt fyrir aftan sig. Áhlaup dana í lok leikhlutans kom muninum niður í 15 stig 71-56. Í fjórða leikhluta sáu strákarnir um að áhlaup dana yrði ekki meira og náðu mest aftur 22 stiga forystu en lokatölur 99-80. Liðið einsog áður segir lék af góðum krafti og var betra en það danska á flestum sviðum, leikmenn voru duglegir að leika hvorn annan uppi og opna færi. Tómas Heiðar Tómasson var stigahæstur en kappinn hefur skotið mjög vel á mótinu. Ægir Þór Steinarsson sem er orðinn þriðji stoðsendingar hæsti leikmaðurinn gaf 6 stoðsendingar í dag. Stigaskor íslenska liðsins: Tómas Heiðar Tómasson 19 stig ( 5 þristar), Haukur Helgi Pálsson 16, Arnþór Freyr Guðmundsson 15, Ægir Þór Steinarsson 13 og 6 stoðsendingar, Sigurður Þórarinsson 11, Haukur Óskarsson 9, Ragnar Ágúst Natanelsson 6 stig og 6 fráköst, Þorgrímur Guðni Björnsson 4 stig og 7 fráköst, Trausti Eiríksson 4 stig, Daði Berg Grétarsson 2 en Arnar Pétursson og Björn Ingvi Tyler Björnsson náðu ekki að skora. [v+]http://www.fibaeurope-u18men.com/enDivB/default.asp?cid={E7BA731A-A812-4C5C-9C62-E987CBB10B2B}&pageID={BDA2D1DE-CE6D-4246-8315-19ABFD70CBBC}&compID={2248A846-FA78-40FF-B03C-54B460890F45}&season=2009&roundID=6869&teamID=&gameID=6869-G-4-2&[v-]Tölfræði leiksins[slod-] Staða liðsins voru hópnum vonbrigiði en nú er barátta liðsins að ná 13. sætinu. Næsti leikur er gegn Georgíu á laugardag klukkan 12:00 að íslenskum tíma og munu sigurvegarar úr þeirri viðureign mæta sigurvegurum úr viðureigninni Danmörk–Skotland. Kveðja frá Sarajevo þar sem hópurinn er í góðu yfirlæti og í sjóðandi heitu veðri