23 júl. 2009Íslensku strákarnir töpuðu 65-67 fyrir Póllandi í fyrsta leik B-deildar evrópumótsins sem fram fer í Sarajevo, staðan í hálfleik var 34-33 íslensku strákunum í vil. Haukur Óskarsson var stigahæstur með 18 stig, þar af 14 í fyrri hálfleik. Íslenska liðið hóf leikinn af miklum krafti og leiddu í upphafi en Pólverjarnir áttu teiginn og tóku sautján fráköstum meira í fyrri hálfleik. Strákarnir komust í 11-7 en þá var þeim fyrirmunað að skora sama hvernig færin voru og Pólverjar komust yfir 12 stig. Haukur Óskarsson mætti á svæðið og lét rigna þristum á Pólverjana en hann setti 4 af 5 í öðrum leikhluta. Íslensku strákarnir leiddu mest með sex stigum 32-26 en staðan í hálfleik var 34-33. Þriðji leikhluti var banabiti Íslensku strákanna, þeir gerðu mistök í upphafi og það nýttu Póverjarnir sér vel og komust yfir mest 12 stigum á ný. Staðan eftir þrjá leikhluta var 44-54 og var mjög dregið af leikmönnum enda hitinn mjög mikill eða um 30°C. Þegar um fimm mínútur voru eftir af leiknum voru Pólverjar enn 10 stigum yfir en frábær barátta strákanna gerði leikinn að bullandi séns. Aðalleikmaður Pólverja Sebastian Szymanski setti niður þýðingar mikinn þrist á lokamínútunni og kom muninum uppí sjö stig en þristur og karfa með vítaskoti að auki kom muninum niður í eitt stig 65-66 þegar 5 sekúndur voru eftir. Strákarnir reyndu að stela boltanum eða brjóta og settu Pólverjar niður fyrra vítaskotið en léku sér að klikka á því síðara og náðu þeir frákastinu og lokatölur 65-67. Íslensku strákarnir voru hundfúlir að hafa tapað þessum leik enda lögðu þeir sig vel fram, hittni liðsins var að Hauki Óskars undanskildum ekki einsog hún gerist best þar sem mikið af góðum færum fóru forgörðum. Stigaskor Íslenska liðsins: Haukur Óskarsson 18 stig, Haukur Helgi Pálsson 13 og 7 fráköst, Tómas Heiðar Tómasson 9, Ægir Þór Steinarsson 8 og 7 fráköst, Sigurður Þórarinsson 6, Daði Berg Grétarsson 5 og þeir Trausti Eiríksson afmælisdrengur, Arnar Pétursson og Arnþór Freyr Guðmundsson 2 stig hver. Allir leikmenn tóku þátt í leiknum en mjög mikil orka fer í að spila leiki við þessar aðstæður. Strákarnir eiga leik við Finna á morgun klukkan 15:00 að íslenskum tíma en þeir töpuðu fyrir Svíum í dag og mæta því líkt og íslenska liðið með bakið uppvið vegg. [v+]http://www.fibaeurope-u18men.com/enDivB/default.asp?cid={E7BA731A-A812-4C5C-9C62-E987CBB10B2B}&pageID={BDA2D1DE-CE6D-4246-8315-19ABFD70CBBC}&compID={2248A846-FA78-40FF-B03C-54B460890F45}&season=2009&roundID=6848&teamID=&gameID=6848-B-1-1&[v-]Tölfræði leiksins[slod-] Kveðja frá Sarajevo, U-91 hópurinn