![Samantekt á helstu reglubreytingum](http://gamli.kki.is/myndir/kki.jpg)
11 júl. 2009Hér er að finna punkta um helstu reglurgerðarbreytingar sem gerðar voru á nýafstaðnu körfuknattleiksþingi KKÍ sem fram fór í Smáranum 15.-16. maí síðastliðin. Yngri flokkar: · Ekki verður leikið til Íslandsmeistara í Minnibolta 10 ára. Lögð verður áhersla á þau mót sem hafa verið undanfarin ár hjá félögunum. · Mótanefnd auglýsir þær helgar sem leika má minniboltamótin á fyrir 1. ágúst ár hvert og þurfa félög að sækja um til mótanefndar að fá að halda mótin á þeim helgum · Leiktímar í Minnibolta 11 ára verða í 5 x 8 mín. lotum í stað 4 x 10 mín þannig að leiktími er sá sami og áður. Hver leikmaður leikur minnst tvo leikhluta en ekki fleiri en þrjá að öðrum kosti er leikur tapaður. · Stúlknaflokkur og 11. flokkur drengja leika nú 4x8 mín. leikhluta í fjölliðamótum. Í bikarkeppni og úrslitum Íslandsmóts eftir fjórðu umferð verður leikið 4 x 10 mín. · Félagaskipti eru til 5. febrúar í stað 28. febrúar áður. · Sameiginleg lið. Auðveldara er fyrir fámenn svæði að senda sameiginleg lið til keppni og leikmennhalda sínum réttindum í uppeldisfélagi í t.d efri flokkum. · Þátttökutilkynningum í yngri flokka upp í 11. flokk drengja og Stúlknaflokk skal skilað fyrir 17. september. Áfram verður þó heimilt að skrá lið til leiks í minnibolta til 30. september. · Hver umferð í Íslandsmóti yngri flokka verður leikin á þrem helgum í stað fjögurra helga áður. · Heimilt verður að hafa 6-liða riðla í yngstu flokkunum, MB11 ára, 7. flokki og 8. flokki, en það er gert til að fækka 3-liða riðlum. · Leiknar verða fjórar umferðir í öllum riðlum í öllum flokkum, í stað þriggja umferða í B-, C-, D- og E-riðlum áður. · Skerpt hefur verið á reglum um undanþágur frá því að nota 10 leikmenn í minnibolta og verður hún ekki veitt í A-riðli. · Fyrikomulag úrslitakeppni drengjaflokks og unglingaflokka hefur verið skerpt í reglugerð Lög KKÍ: · Búið er að setja inn Fræðslunefnd sem fasta nefnd og taka kjörnefnd út. · Bætt hefur verið við Aga- og úrskurðanefnd KKÍ sem úrskurðar og ákveður viðurlög refsinga. Aga- og úrskurðarnefnd kemur í stað Dómstóls KKÍ, aganefndar og félagaskiptanefndar. · Stjórn KKÍ hefur heimild til að breyta lögum milli körfuknattleiksþinga ef þörf þykir. Annað: · Dómarasjóður kallast hér eftir Fræðslusjóður. · Úrslitakeppni 1. deild kvenna hefur verið komið á. B-lið geta sigrað í 1. deild séu þau með í deildarkeppninni, en geta ekki farið upp um deild. Þá skal finna út efstu tvö A-lið í deildinni sem leika til úrslita um sæti í úrvalsdeild og það lið sem fyrr vinnur tvo leiki fer upp um deild. · Reglugerð um venslasamninga var víkkuð og einfölduð sem auðveldar að nýta sér venslasamninga. Lið geta að hámarki lánað sex leikmenn en hvert þeirra sem fær lánaða leikmenn mega mest fá tvo að láni frá sama félagi. Leikmenn mega ekki vera gengnir upp úr unglingaflokki. · Gjalddagi þátttökugjalda eru tveir. Fyrri er 30. september og sá síðari 31. desember ár hvert og þá skal greiða upp þátttökugjöldin. Bikarkeppni greiðist sem áður fyrir lok þess mánaðar sem umferð fer fram í. · Bætt var við greinum um keppni B-liða í meistaraflokkum Erlendir leikmenn: · Búið er að fella niður launaþak. · Leikmenn mega skipta milli liða á sama tímabili inna sömu deildar eða upp um deild með samþykki fyrra liðs. Áður máttu þeir bara skipta niður. · Ekki þarf að hafa verið með erlendan leikmann fyrir áramót til að mega ráða leikmann inn eftir áramót, þó verður það að gerast fyrir 5. janúar, annars eru þau háð samþykki Aga- og úrskurðanefndar.