![Stelpurnar mættu ofjörlum sínum](http://gamli.kki.is/myndir/NM09u16kvvssvi.jpg)
22 maí 2009Sextán ára lið stúlkna mætti Svíum áðan í leik sem var allt annað en jafn. Þær sænsku reyndust sterkari og unnu öruggan 84-33 sigur. Byrjunarlið Íslands: Árnína Lena Rúnarsdóttir, Hrafnhildur Sævarsdóttir, Thelma Ásgeirsdóttir, Berglind Gunnarsdóttir og Ína María Einarsdóttir. Ísland átti fyrstu körfu leiksins en hana setti Thelma Ásgeirsdóttir. Þá kom 7-0 kafli hjá Svíum og þeir komnir með ágæta forystu strax í upphafi. Liðin skiptust á körfum næstu mínútur en í stöðunni 15-8 skoraði Svíþjóð átta næstu stigin og leiddu 23-8 í hálfleik. Svíarnir spiluðu pressuvörn en íslensku stelpurnar réðu ágætlega við hana framan af og náðu þær að spila sig á ný inn í leikinn. Í stöðunni 29-12 í öðrum leikhluta skora þær fimm í röð og munurinn kominn i 12 stig, 29-17. Ísland nær góðu skoti í næstu sókn með von um að minnka muninn í 10 stig. Skotið geigaði og síðustu fjögur stig hálfleiksins voru sænsk. Staðan í hálfleik 33-17. Byrjun Íslands í seinni hálfleik var afleit en pressuvörn Svíana fór að virka og skoruðu þær fyrstu 11 stig hálfleiksins og lögðu grunn að sigri sínum þar. Öll von Íslands að ná að jafna var úti. Stelpurnar gáfust þó ekki upp og héldu áfram að reyna sitt besta en sterk vörn Svíana var þeim erfið en þær fengu mörg stig úr hraðaupphlaupum. Ísland tapaði 29 boltum og Svíþjóð stal 22 og flestir þessara stolnu boltum skilaði sniðskoti hinum megin. Þær sænsku voru grimmar í fráköstum og gerðu stelpunum stundum erfitt fyrir. Lokastaðan 84-33 fyrir Svía. Stig: Thelma Ásgeirsdóttir 9 stig María Ben Jónsdóttir 8 stig Margrét Rósa Hálfdanardóttir 5 stig Árný Sif Gestsdóttir 4 stig Eva Rós Guðmundsdóttir 4 stig Berglind Gunnarsdóttir 2 stig Sandra Grétarsdóttir 1 stig Árnína Lena Rúnarsdóttir, Hrafnhildur Sævarsdóttir, Sigrún Albertsdóttir, Dagbjört Samúelsdóttir og Ína María Einarsdóttir spiluðu en náðu ekki að skora.