![KR-ingar unnu í Grindavík - oddaleikur á mánudaginn](http://gamli.kki.is/myndir/urslit_dagsins.jpg)
11 apr. 2009KR-ingar unnu [v+]http://server4.mbt.lt/prod/kki/index.php/b19sYW5nPWhlJm9fc2Vhcz0xNSZvX2xlYWc9MiZmdXNlYWN0aW9uPWdhbWVzLm1haW4mZ19pZD01NTY= [v-]94-83[slod-] sigur á Grindavík í Röstinni í Grindavík í dag og tryggðu sér oddaleik í DHL-Höllinni á mánudagskvöldið. Leikurinn fer fram klukkan 19.15. Þetta verður fyrsti oddaleikur um Íslandsmeistaratitil karla í heilan áratug eða síðan að Keflavík og Njarðvík mættust 1999. KR var með frumkvæðið stærsta hluta leiksins. KR var 22-19 yfir eftir 1. leikhluta og 47-44 yfir í hálfleik. Grindavík skoraði ellefu síðustu stig 3. leikhluta og komst yfir, 68-65, fyrir lokaleikhlutann. Þar voru KR-ingar hinsvegar sterkari og tryggðu sér ellefu stiga sigur. Fannar Ólafsson, fyrirliði KR, átti frábæran leik og var með 20 stig og 13 fráköst og Jason Dourisseau var með 27 stig, 9 fráköst og 5 stoðsendingar. Þá skoraði Jón Arnór Stefánsson 18 stig þar af 9 þeirra í fjórða leikhlutanum. Páll Axel Vilbergsson skoraði 18 stig fyrir Grindavík og þeir Brenton Birmingham og Nick Bradford voru með 14 stig hvor.