11 des. 2008Logi Bergmann Eiðsson og
Gísli Einarsson eru miklir áhugamenn um körfubolta enda rómaðir fagurkerar og miklir snillingar. Þeir hafa nuðað í okkur KKÍ mönnum til langs tíma þar sem þeir segja það löngu tímabært að almenningur fái að sjá í eitt skipti fyrir öll hversu hæfileikaríkir þeir eru á körfuboltavellinum.
KKÍ hefur ákveðið að láta undan og munu þeir mæta til leiks á Ásvelli á laugardaginn þar sem Stjörnuleikir KKÍ 2008 fara fram.
Logi Bergmann mun leiða liðið
Logi í beinni en með honum leikur
Jón Arnór Stefánsson.
Gísli mun hins vegar leiða liðið
Út og suður en með honum til fulltingis verður
Logi Gunnarsson.
Þetta verður án efa skemmtilegur og spennandi leikur og hefur Gísli gefið það út að ekkert verður gefið eftir enda ekki um neinn vináttuleik að ræða. Logi Bergmann lét hafa eftir sér að hann ætlaði sér að senda Gísla og co norður og niður.
Leikurinn fer fram einhvern tímann á bilinu 15-16.