![Nýir þjálfarar á yngri landslið stúlkna](http://gamli.kki.is/myndir/MargretSturlaugsdottir.jpg)
27 nóv. 2008Stjórn KKÍ hefur ráðið tvo nýja þjálfara á yngri landslið stúlkna. Margrét Sturlaugsdóttir frá Keflavík hefur verið ráðin þjálfari U-18 kvenna. Margrét sem er fyrrverandi landsliðskona hefur þjálfað yngri flokka stúlkna í Keflavík síðustu árin með frábærum árangri. U-18 kvenna fer á Norðurlandamót í vor. Jón Halldór Eðvaldsson frá Keflavík sem er núverandi þjálfari Íslands og bikarmeistara meistaraflokks kvennaliðs Keflavíkur hefur verið ráðinn þjálfari stúlkna sem eru fæddar 1994 eða síðar. Fyrsta verkefni þeirra verður Norðurlandamót vorið 2010. Auk þessara nýju aðila þjálfar Yngvi Gunnlaugsson U-16 stelpur sem eru fæddar 1993 eða síðar. U-16 stúlkna fer á Norðurlandamót í vor. Allir hóparnir verða kallaðir saman til æfinga í jólafríinu. Nánari tíma- og staðsetningar koma síðar.