![Lebron James sá flottasti í dag](http://gamli.kki.is/myndir/lebron-james-dunk.jpg)
27 nóv. 2008Lebron James leikmaður Cleveland Cavaliers er orðinn einn besti íþróttamaður heims þrátt fyrir ungan aldur og verður fróðlegt að sjá framhaldið hjá þessum stórkostlega leikmanni. Hæfileikar kappans eru gríðarlegir innan vallar þar sem hann hefur nánast borið lið Cleveland á herðunum síðustu ár og kom þeim m.a. í úrslit NBA deildarinnar 2007 sem fékk marga spekingana til að hrista höfuð sín. Lebron hefur einnig þótt höndla athyglina og frægðina sem fylgir þessu en hann kom beint úr miðskóla ( High School ) en ekki háskóla ( College ) eins og flestir leikmenn hafa gert og allir í dag reyndar þar sem ekki má lengur koma beint úr miðskóla í NBA deildina. Cleveland hefur unnið 12 af 15 leikjum sínum það sem af er þessu tímabili og er sem stendur í 2. sæti á eftir Boston Celtics Austurstrandarmegin. [v+]http://www.nba.com/video/games/cavaliers/2008/11/26/nba_okc_cle_0020800212_recap.nba/[v-]Hér[slod-] má sjá Lebron James og félaga í stórum sigri sl. nótt gegn Oklahoma Thunders. [v+]http://www.youtube.com/watch?v=9SiQKxja79M[v-]Hér[slod-] er svo myndband sem var gert til að auglýsa Lebron James og Nike skóna hans. Frekar svalt og flott og ekki erfitt að hrífast með, drífum okkur í körfu.