6 sep. 2008Íslenska kvennalandsliðið tapaði með 9 stiga mun, 59-68, fyrir Írlandi í fjórða leik sínum í b-deild Evrópukeppninnar í Dublin á Írlandi í dag. Íslenska liðið var með frumkvæðið stóran hluta leiksins og var mest átta stigum yfir í upphafi síðari hálfleik en leikur liðsins hrundi í lokin. Í stöðunni 48-41 var eins og það væri slökkt á íslenska liðinu sem skoraði aðeins 11 stig síðustu 16 mínútur leiksins. Pálína Gunnlaugsdóttir var stigahæst hjá íslenska liðinu með 15 stig en Helena Sverrisdóttir var með 12 stig, 13 fráköst, 8 stoðsendingar og 5 stolna bolta. Íslenska liðið byrjaði leikinn vel og komst í 8-5 og 11-9 og var 16-14 yfir þær 3:25 voru eftir af fyrsta leikhluta eftir að Sigrún Ámundadóttir hafði sett niður fjórðu þriggja stiga körfu liðsins. Írarnir áttu hinsvegar frábæran endakafla í fyrsta leikhluta og voru 24-18 yfir eftir að hafa unnið þessar rúmu þrjár síðustu mínútur leikhlutans 8-2. Annar leikhlutinn var besti leikhluti íslenska liðsins í leiknum og það þrátt fyrir að Írar skoruðu fyrstu stig hans og komust átta stigum yfir, 26-18. Íslenska liðið svaraði með 7 stigum í röð og var síðan komið yfir í 30-28 eftir aðeins 5 mínútur. íslenska liðið náði mest fjögurra stiga forskoti en í hálfleik skildu liðin þrjú stig, Ísland var 40-37 yfir í leikhléi. Helena Sverrisdóttir hvíldi stóran hluta leikhlutans vegna villuvandræða en aðrir leikmenn liðsins leystu það vel. Þriðji leikhlutinn byrjaði frábærlega en Ísland skoraði fimm fyrstu stigin og náði átta stiga forskoti. Ísland var síðan sjö stigum yfir, 48-41, þegar Írar tóku leikhlé þegar 5:18 voru eftir af þriðja leikhlutanum. Pálína Gunnlaugsdóttir var þá búin að setja niður tvær þriggja stiga körfur á stuttum tíma. Írsku stelpurnar komu mjög grimmar inn eftir þetta leikhlé, íslenska liðið náði ekki að svara til baka í sömu mynt og Írar unnu seinni hluta leikhlutans 14-4 og voru 55-52 yfir fyrir lokaleikhlutann. Íslensku stelpurnar misstu síðan leikinn algjörlega frá sér í upphafi fjórða leikhlutans og Írarnir komust tíu stigum yfir, 63-53, eftir að hafa unnið 10 mínútna kafla 22-5. Íslenska liðið reyndi að rífa sig upp og koma sér aftur inn í leikinn en það tókst ekki og í lokin munaði 9 stigum á liðunum, Írar unnu 68-59. Það voru þung sporin hjá íslensku stelpunum enda vissu þær að að þær geta miklu betur en í þessum leik og að þær vita það líka að þær eru ekki með lélegra lið en Írar. 34 tapaðir boltar voru dýrkeyptir og þá klikkuðu 11 af 22 vítum í leiknum. Þegar allt fór að ganga illa í þriðja leikhluta þá greip um sig ráðaleysi í sókninni og liðið var að hitt afar illa en aðeins 1 af 14 skotum rötuðu rétta leið í lokaleikhlutanum. Írar eru kvikir og grimmir í vörninni og þeim tókst vel að spila í sendingarlínum íslenska liðsins að þessu sinni. Íslenska liðið nýtti líka aðeins 3 af 13 tveggja stiga skotum sínum í seinni hálfleiknum sem er tölfræði sem nánast ómögulegt er að yfirvinna. Írland-Ísland 68-59 (24-18, 37-40, 55-52) Atkvæðamestar hjá íslenska liðinu: Pálína Gunnlaugsdóttir 15 stig (hitti úr 4 af 7 þriggja stiga skotum) Helena Sverrisdóttir 12 stig (13 fráköst, 8 stoðsendingar, 5 stolnir boltar) Kristrún Sigurjónsdóttir 9 stig (5 fráköst, 2 varin) Signý Hermannsdóttir 8 stig (12 fráköst, 4 varin) Petrúnella Skúladóttir 6 stig Sigrún Ámundadóttir 5 stig (5 fráköst, 2 stoðs., 2 stolnir) Ragna Margrét Brynjarsdóttir 4 stig
Slæmur endakafli og níu stiga tap fyrir Írum í Dublin
6 sep. 2008Íslenska kvennalandsliðið tapaði með 9 stiga mun, 59-68, fyrir Írlandi í fjórða leik sínum í b-deild Evrópukeppninnar í Dublin á Írlandi í dag. Íslenska liðið var með frumkvæðið stóran hluta leiksins og var mest átta stigum yfir í upphafi síðari hálfleik en leikur liðsins hrundi í lokin. Í stöðunni 48-41 var eins og það væri slökkt á íslenska liðinu sem skoraði aðeins 11 stig síðustu 16 mínútur leiksins. Pálína Gunnlaugsdóttir var stigahæst hjá íslenska liðinu með 15 stig en Helena Sverrisdóttir var með 12 stig, 13 fráköst, 8 stoðsendingar og 5 stolna bolta. Íslenska liðið byrjaði leikinn vel og komst í 8-5 og 11-9 og var 16-14 yfir þær 3:25 voru eftir af fyrsta leikhluta eftir að Sigrún Ámundadóttir hafði sett niður fjórðu þriggja stiga körfu liðsins. Írarnir áttu hinsvegar frábæran endakafla í fyrsta leikhluta og voru 24-18 yfir eftir að hafa unnið þessar rúmu þrjár síðustu mínútur leikhlutans 8-2. Annar leikhlutinn var besti leikhluti íslenska liðsins í leiknum og það þrátt fyrir að Írar skoruðu fyrstu stig hans og komust átta stigum yfir, 26-18. Íslenska liðið svaraði með 7 stigum í röð og var síðan komið yfir í 30-28 eftir aðeins 5 mínútur. íslenska liðið náði mest fjögurra stiga forskoti en í hálfleik skildu liðin þrjú stig, Ísland var 40-37 yfir í leikhléi. Helena Sverrisdóttir hvíldi stóran hluta leikhlutans vegna villuvandræða en aðrir leikmenn liðsins leystu það vel. Þriðji leikhlutinn byrjaði frábærlega en Ísland skoraði fimm fyrstu stigin og náði átta stiga forskoti. Ísland var síðan sjö stigum yfir, 48-41, þegar Írar tóku leikhlé þegar 5:18 voru eftir af þriðja leikhlutanum. Pálína Gunnlaugsdóttir var þá búin að setja niður tvær þriggja stiga körfur á stuttum tíma. Írsku stelpurnar komu mjög grimmar inn eftir þetta leikhlé, íslenska liðið náði ekki að svara til baka í sömu mynt og Írar unnu seinni hluta leikhlutans 14-4 og voru 55-52 yfir fyrir lokaleikhlutann. Íslensku stelpurnar misstu síðan leikinn algjörlega frá sér í upphafi fjórða leikhlutans og Írarnir komust tíu stigum yfir, 63-53, eftir að hafa unnið 10 mínútna kafla 22-5. Íslenska liðið reyndi að rífa sig upp og koma sér aftur inn í leikinn en það tókst ekki og í lokin munaði 9 stigum á liðunum, Írar unnu 68-59. Það voru þung sporin hjá íslensku stelpunum enda vissu þær að að þær geta miklu betur en í þessum leik og að þær vita það líka að þær eru ekki með lélegra lið en Írar. 34 tapaðir boltar voru dýrkeyptir og þá klikkuðu 11 af 22 vítum í leiknum. Þegar allt fór að ganga illa í þriðja leikhluta þá greip um sig ráðaleysi í sókninni og liðið var að hitt afar illa en aðeins 1 af 14 skotum rötuðu rétta leið í lokaleikhlutanum. Írar eru kvikir og grimmir í vörninni og þeim tókst vel að spila í sendingarlínum íslenska liðsins að þessu sinni. Íslenska liðið nýtti líka aðeins 3 af 13 tveggja stiga skotum sínum í seinni hálfleiknum sem er tölfræði sem nánast ómögulegt er að yfirvinna. Írland-Ísland 68-59 (24-18, 37-40, 55-52) Atkvæðamestar hjá íslenska liðinu: Pálína Gunnlaugsdóttir 15 stig (hitti úr 4 af 7 þriggja stiga skotum) Helena Sverrisdóttir 12 stig (13 fráköst, 8 stoðsendingar, 5 stolnir boltar) Kristrún Sigurjónsdóttir 9 stig (5 fráköst, 2 varin) Signý Hermannsdóttir 8 stig (12 fráköst, 4 varin) Petrúnella Skúladóttir 6 stig Sigrún Ámundadóttir 5 stig (5 fráköst, 2 stoðs., 2 stolnir) Ragna Margrét Brynjarsdóttir 4 stig